（獨媒報導）疫苗通行證在2月24日實施後，市民進出商場需要接種至少一劑疫苗及掃描「安心出行」。位於荃灣一商場的餐廳「朝花夕拾Favilla Cafe」考慮到未打針的食客，以及擔心客人因不清楚防疫規例而誤墮法網，決定「行多一步」將外賣至商場出入口，讓食客不需進入商場亦可取得外賣。負責人Thomas表示，政府抗疫政策「莫名其妙」，連市民簡單的進食需求亦複雜化，希望透過餐廳簡單的行動，為抗疫疲勞的港人免去一點煩惱。
批防疫政策「莫名其妙」簡單需求被複雜化
餐廳「朝花夕拾Favilla Cafe」日前在社交媒體表示，可為顧客送外賣至商場門外。負責人Thomas向《獨媒》表示，疫苗通行證實施後，未打針的顧客一夕之間失去許多選擇，「屋企又唔夠嘢食，又出唔到街買」，故一直有客人向他查詢能否將外賣帶到商場外交收。考慮到商場人流或會再下跌，餐廳同樣需要「自救」，故他便開始試行「場內外自取外賣落單系統」，顧客可在網上下單，餐廳接單後會馬上製作，客人可在15分鐘後到餐廳取餐，或由員工送到商場入口，務求讓客人「可以食到熱辣辣嘅嘢」。
雖然政府指進入商場拿外賣可獲豁免，但Thomas指「你點可以證明自己係買外賣？冇人信咁點？」認為市民隨時無辜被罰款，倒不如餐廳「行多一步」，直接將外賣送出商場外，免去市民煩惱。他形容進食是人的基本需求，但在政府「莫名其妙」的防疫措施下，變得份外複雜，慨嘆「食個飯啫其實」，「香港一個咁有物質嘅地方，做到咁悲涼？」
他形容餐廳「做開街坊生意」，不少客人就住在商場附近，若使用外賣平台服務需要支付額外金錢，等候時間亦長，倒不如讓餐廳自行與食客「夾時間」，「大家都要求生，我哋都要搵出路」，故餐廳目前會集中火力提供外賣服務，「互惠互利囉」。
疫情下無消費意欲：有冇工返都唔知，點消費？
疫苗通行證實施後，會否擔心生意受影響？Thomas坦言「已經超越咗受影響，係去到基本上維持唔到個生意」。他指晚市堂食被禁後，餐廳起碼損失九成生意，但他理解港人在疫情下消費意欲大減，「啲客唔係唔想嚟幫襯，但個問題係佢自己屋企都有壓力，下一日有冇工返有咩事，佢都唔知，佢點樣再出去消費？」
疫情下百業蕭條，會否擔心餐廳做唔住？他認為「店舖係死嘅，我哋啲同事先係生嘅」，會優先考慮員工生計，即使要關閉分店，亦會盡量調派員工至其他分店工作，「盡力關顧佢（員工）」。但他坦言不認為疫情在四月後會好轉，餐廳被限制營業猶如永無止境，「而家你last（持續）到四月，都唔知幾時（完），last一年嘅話呢？我諗真係大家集體執」。
食客：希望自己仍能有「選擇」
在商場外接外賣的食客林先生表示，在疫苗通行證實施後，「所有嘢都要強制你掃」，故自己不想進入商場。他又質疑疫苗通行證及「安心出行」的成效，指「有隱形傳播鏈你都追蹤唔到」，「（就算）搵到確診，醫療系統負擔到咩？」故認為有關政策只是「搞到市民」。
