【獨媒報導】So Ching（蘇芷晴）宣布退出COLLAR，其所屬公司MakerVille下午舉行記者會交代詳情。外界一直有傳COLLAR 與MakerVille 簽下長約，令人關注So Ching 的合約問題，經理人阿Wing 回應時稱不便透露合約條款及細節：「我哋有一路同So Ching做一啲溝通嘅，大家會做好多彈性，同埋會配合佢，大家會平衡各方面。」
記者曾追問，So Ching是否仍是MakerVille 的藝人，抑或已解約，阿Wing 只稱合約的細節不便透露：「我哋其實都進行中，好多嘢都仲係同佢商討緊嘅，暫時就好似佢嘅公布一樣，佢會退出COLLAR。」
網上截圖
Gao盼外界給予So Ching空間 僅稱較早前獲悉對方決定
阿MO（李啟言）去年在MIRROR 紅館演唱會中，遭大螢幕擊中受重傷，留院治療至今。作為阿MO的女友，So Ching 一直不離不棄，更停工照顧對方，至今年年初才復出參與演出。不過，So Ching 今日較早前發文表示，指該創傷一直無法被療癒，尤其每段來回急症室、醫院的畫面均一一烙印在心裏，留下不能磨滅的痕跡，至現時仍未能完全適應幕前工作，決定退出COLLAR。
在記者會開場，COLLAR經理人阿Wing 確認So Ching退出，稱公司及成員均尊重其決定，祝福對方在日後找到自己方向，並鞠躬感謝支持。
Gao（網上截圖）
COLLAR的7名成員其後一起見記者，隊長沈貞巧（Gao）稱So Ching 已退團，形容是艱難的決定，稱縱然十分不捨，但在過去日子中看到對方嘗試努力平衡，包括重新踏上舞台。她呼籲外界對So Ching給予空間，「好好咁樣過佢平靜自在嘅日子」。
Gao 強調，成員均支持So Ching 的決定，往後會以七人方式走下去，感謝支持者不離不棄，「希望大家可以繼續支持COLLAR，陪住我哋走未來嘅每一步，最後再次多謝大家嘅支持同愛護，亦都希望大家可以好好咁祝福So Ching，多謝大家」。
記者會僅設10分鐘記者提問，被問到何時獲悉So Ching 退團的決定，Gao僅稱「較早前決定」，有記者追問「即係幾時」，Gao表示「幾時我哋都唔係好記得啦，較早前」。記者再問，是否上週《CHILL CLUB推介榜年度推介22/23》出現問題，李芯駖（SumLing）表示CHILL CLUB 較少時間排練，僅排練了一至兩日，每名成員均有不同工作：「嗰段時間So Ching已經病咗，其實我哋都陸續有啲隊員好返，都有啲病緊。」
網上截圖
確認不會加人 「COLLAR永遠都係COLLAR」
被問到與So Ching 溝通期間是否有流淚，Gao 表示當然不開心及不捨，但看到對方一直努力適應，表示尊重及明白所有決定。
外界關注COLLAR 會否「加人」，Gao 初時只稱 So Ching 在帖文中強表示希望COLLAR能繼續發展，「我哋會帶住呢份力量，都會好好咁樣以COLLAR 團隊嘅形式行落去」。記者其後追問，阿Wing始確認稱，不會加入新團員，「COLLAR永遠都係COLLAR」。
記者四問含So Ching作品點處理 經理人：以七人方式行落去
記者亦問到，COLLAR 是否已有作品由八人所完成或進行中。Gao 就稱將有很多作品，不論團體或個人，喚外界密切留意。記者再明確追問，已完成的作品中會否有So Ching，Gao 只稱「之後嘅作品大家拭目以待啦」，直至記者第三度問及，經理人阿Wing 才補充稱，「之前嘅作品呢，So Ching 參與過嘅，佢一定都喺度，其實佢嘅力量同我哋一樣都存在嘅，咁未來嘅一啲作品，佢宜家佢退出咗，大家都唔好俾任何壓力佢，嚟緊COLLAR 會以七個人嘅方式繼續行落去。」
記者第四次問到，So Ching 早曾參與的作品會否仍面世，阿Wing才正式稱：「唔會，之前還之前，已經做落咗㗎啦，嗰啲完成咗㗎啦，佢退出啦，退出就唔會有佢嘅作品繼續出現。」
有記者問COLLAR 成員，So Ching 是否曾分享對去年紅館意外的看法，及公司處理手法的意見。Gao只重複稱，對方在帖文中已交代，呼籲外界不要過分揣測。
Winka（網上截圖）
Winka再談「8-1=0」 稱歸零重新出發
另一成員陳泳伽（Winka）曾力撐So Ching，並指「8-1=0」。記者就問該句說話現時會否帶來壓力。Winka 亦親自解釋，稱當時欲給予力量So Ching，告訴對方不論團歌或新作品，「好想等埋佢返嚟先做，但係宜家佢有呢一個決定，我哋一定係要尊重，同埋要接納。咁8-1=0，我哋宜家係歸零啦，咁所以我哋重新出發，希望大家會繼續支持我哋之後嘅作品，同埋我哋之後七個人都會試唔同嘅嘢，做唔同嘅作品出嚟，希望大家會繼續支持我哋，我哋都會都更加努力做我哋嘅表演。」
Ivy So（網上截圖）
在記者會尾聲，記者喚其他成員講述感受，蘇雅琳（Ivy So）稱So Ching 十分勇敢，希望對方日後生活愉快，即使不捨但會尊重對方的決定，「即使換咗個身份，COLLAR 曾經經歷過嘅嘢，係唔會變」。王家晴（Candy）稱最想看到So Ching 過得開心、幸福及自在，絕對尊重其決定。
邱彥筒（Marf）表示，自獲悉對方該決定後已沒有過問，不會作出任何評論，只會尊重及支持，日後會做更好的作品及演出。許軼（Day）亦指，自成團至今的回憶都不會消失，「佢呢個決定，點都有啲感受，但希望大家同我哋一樣，祝福So Ching 亦都祝福COLLAR 未來嘅發展」。