【獨媒報導】今年聖誕節檔期的戲院票房收入約1,960萬元，較去年3,285萬大跌四成，創下20年來最差的成績。香港電影工作者總會發言人田啟文形容「好唔理想啦」：「同埋亦都係我哋成個電影業嘅一個⋯⋯除咗天氣寒冷之外，咁亦都係成個電影業嘅寒冬。」 田啟文認為，不排除涉及消費群離開香港，及電影戲碼不夠吸引等，認為業界需要檢討，將先了解市場的變化，及觀眾是否不再看電影。
田啟文料涉不同原因 承認不理想
田啟文今早在港台節目《千禧年代》表示，票房錄得新低涉及不同原因：「我哋宜家做緊一啲叫做資料搜集嘅統計，因為佢唔會係單一嘅問題。」
去年在本港聖誕檔期上畫的《阿凡達：水之道》，即在12月24至26日期間票房收入高達3,260萬元。今年聖誕檔期最高票房紀錄電影則是《水行俠與失落王國》，在該三日票房收入僅得659萬元。港產片《年少日記》只排第5位，但已是本地電影中票房最高，在聖誕節期間收約130萬元。
田啟文指出，本港去年出現報復式消費，多套港產片均有好成績，但疫情期間曾封關，期間的票房數字或未能作參考：「但係成個聖誕節得嗰1,900幾萬，確實真係一個好唔理想⋯⋯廿年嚟大家覺得好嚴重。當然我哋亦都唔會話一個節日票房理想，而去話天冧落嚟。但我哋係需要去了解真係，係咪究竟市場嘅變化，同埋觀眾唔再睇戲，都需要了解深入啲。」
港產片去年大收旺場 田啟文：睇唔到開多咗戲
去年上映的香港電影《毒舌大狀》、《飯戲攻心》票房分別高達1.15億及7,700萬，前者更成為香港最高電影票房收入第8位，屬港產片歷來最高排名。不過，田啟文就指，港產片在2023年的票房收入不理想，較去年有電影打破票房紀錄的模式相距甚遠，業界需要檢討背後原因，例如經濟環境轉差，或電影戲碼問題：「我哋真係要檢討吓，電影嘅數量多咗，但係你電影嘅票房係跌咗呀嘛。」
田啟文續提到，港產片在去年大收旺場後，業界亦有「期望值」：「應該會多咗戲開呢？但其實又睇唔到開多咗戲喎。」他指疫情期間「扎住」了不少資金，已拍攝的電影仍未上畫，正消化相關電影的製作，令今年「開戲」的情況並不踴躍，認為業界需要正視，而投資者亦會抱觀望態度，或者影響業界生態及從業員的生計。
另外，香港影業協會理事長洪祖星昨日表示，「諗唔到會差得咁緊要」，認為港人北上消費對本港電影票房有很大影響，加上過去三年受新冠疫情影響，港人在假期紛紛前往外地旅遊。