【獨媒報導】長沙灣元州邨毗鄰一帶食肆芸芸，「餃串party」今年1月尾加入戰場。老闆娘 Wing 生於80年代，僅為了玩舖名這個「食字」，素未鍛鍊包餃子烤串燒的她，花了三個月時間逐一細項鑽研推出前所未見的涼瓜配豬肉餃子餡。此前只在飲食店做過兼職的她，新店開業短短四個月，最高峰的餃子日銷量可直逼千隻，即使內心是「自大廚神」的呀 Wing 也坦言：「係有啲驚喜嘅！」
在由治及興的一年創業，身邊「鼓勵嘅聲音係冇㗎，個個都話『而家開，你傻咗呀？』」，但或已算不上阿 Wing 一生中最「搞串」的決定。原來她早年與老公一度著手安排攜同老人家一齊移英，前前後後繳付了「每個人3萬（蚊），有5個人……用咗17萬」，卻在收拾行裝之際，不由自主潸然淚下。抵不住心中不捨，阿 Wing 遂從心所欲，安於此城隅，最終更逆市開舖，一步一腳印都貫徹「搞串個party」的精神。
未嘗不想離開卻無法忘懷 聽從自己心聲留低兼開舖
「2014年都想走㗎喇，2019年就更加想走」，阿 Wing 指着鎖骨下的紋身，刻著流產的日期。醫生為她推算，胚胎率先在腹內停止心跳的時間，「咁啱就係6月12號！」
個人生活上的遭遇，外加那年林林總總的畫面與情節，令阿 Wing 非常希望離開這片傷心地，遂在2021年與老公著手循 BNO 途徑，替老爺奶奶及家人在內共五人安排移英。連同移民醫療附加費在內等17萬港元悉數妥繳後，阿 Wing 開始整理細軟，翻出舊物，揭開藏書，往日點滴歲月隨之湧上心頭，「每執一件又諗返起以前，啲眼淚就自己流落嚟」，「由細到大就係响呢度香港」，最終簡單一句「唔捨得囉！」便足以抵銷近廿萬支出，也鋪敘出阿 Wing 今年尚在此地開舖的故事新篇。
記者一直未考慮過移英，到採訪阿 Wing 才知曉除簽證費用外，原來申請 BNO 簽證移民時，還要一次過預繳整個「移民監」年期所需的移民醫療附加費 Immigration Health Surcharge（IHS）。
「今年我哋希望先確保唔使執笠……有機會嘅先至再諗擴展一間分店……唔 work 嘅我哋都無愧於心，勇於嘗試做過自己想做嘅嘢！」開一間餐廳，阿 Wing 不單止為着一圓內心「自大廚神」 的大廚夢，她更希望在逆風中做一間貫徹理念的小店——認真把關食材用料，嚴謹處理每一工序，周而復始為每一位食客穩定製作高水準的貼地美食。
每隻煎餃從不提前煎好再翻熱，更要輪流翻轉餃子的三面逐面煎，於是乎便有餐牌上紅字標記「製作時間15至20分鐘」，再另附一頁聲明表示「無意因為滿足個別人士趕時間而改變食品質素」。每碗湯餃的清甜湯頭，由粟米、甘筍固定擔當甜度輸出，連同其他每兩星期按時令等調整的材料，通宵細火慢熬後，連同湯渣一併盛上。每隻餃子，內餡與包嵌全以人手在舖內廚房製作，還需另外打造有別於街邊行貨的特大號餃子皮，務求每一隻餃子在尚未烹調前，便已能透過緊貼的外皮察悉得到，哪一款特盛餡料在內飽滿得呼之欲出。
特製的特大號餃子皮，攤開後明顯從手心溢出來，加上其軟薄的質感，包餡料時便分外需要溫柔對待。因此無論煮食區域如何風頭火勢，在旁包餃子的店員亦永遠抱持超塵脫俗，慢條斯理、一絲不苟，捏弄每一顆脹鼓鼓的特大餃子。
與湯餃一併盛碗的煲過夜湯底，阿 Wing 指開業一季至今，累積9成9食客好評。材料約每兩週便會變換一次，收銀處旁的告示板亦會隨之更新。
湯餃 ▌涼瓜豬肉／韭菜豬肉／椰菜雲耳冬菇豬肉／椰菜雲耳冬菇豆腐 6隻$38・8隻$45 ▌粟米芝士豬肉／香芹芫荽豬肉 6隻$42・8隻$50
煎餃$40起，阿 Wing 示範了為芝士控而設的隱藏菜單，煎香三面後再額外以 Cheddar 混 Mozzarella 芝士底煎餃。
耗力堅守出品質量 費神鑽研獨家菜式 內心廚神尊嚴不容小覷
每道細節都落足心機，並且優先考慮自家製而放棄大量購入市面行貨，只為秉持心中對美食與理想的執着。即使阿 Wing 把握了由治及興的上乘時機物色舖位，亦要每日瞓身投入運作，才能降低成本，以維持如此平易近人的餐牌標價。「我哋由餃子餡、包餃、串燒用嘅沙嗲醬、穿串燒、泡茶、醉雞卷由煮到醃製，都係自家製……樣樣都係時間同心機⋯返屋企嘅時間都得返每日幾個鐘。」
入夜後客人接續到訪，廚房內的計時器聲響此起彼落，員工煮起餸菜後經常一條龍直送到食客面前，不必再交託另一員工出餐。除卻犧牲個人生活時間，阿 Wing 亦提到有賴聘請啱嘴型又醒目的員工，才能堅持以質取勝。
員工醒目，但肯定不符合政府對「專才」的定義，皆因營運有質素的小店更需要「通才」。幾乎人人都通曉所有工序，撈餡、包餃、煮餃、燒嘢食，當日餃子當日包，毋需預早製作翌日的份量，從而確保每一天都呈上新鮮即製且品質口感一致的餃子。
玫瑰洛神花茶／菠蘿桂花雪梨茶／白堤綠茶／蜜桃烏龍茶，$15一支650mL。
醉雞卷，以花雕與藥材等醃製至少一晚，$38。
串燒項目除常見的沙爹豬牛雞之外，還有一些破格部位，如雞膊頭和雞胸，每串$11至$20。阿 Wing 特別請託了一位馬拉師傅，提供以13款包括購自新馬兩地的香料組成的沙嗲醬配方。
阿 Wing 的執着遠不止此，開舖前未親手包過餃子的她，不僅以藤椒油調配獨家辣菜脯，更向高難度挑戰研發涼瓜豬肉餃。全靠一班親友常常盛讚阿 Wing 的廚技並拜託她為聚會下廚，孕育了這膨脹得不容踐踏的廚神尊嚴，致使阿 Wing 平日便已好勝迎戰各國食譜。僅憑一句「想試吓擺啲咁重味嘅菜入去」，阿 Wing 在內心廚神的尊嚴驅使下，於正式開舖前的一個月內，足足實驗了30款做法，來解決涼瓜過於豐腴的水份與苦澀，不致影響餃子的軟韌口感。
每張餐桌免費自取的辣菜脯，在「自大廚神」尊嚴的自我拷問下，也要精心設計一番，「用藤椒油，貴嘢嚟㗎！」
拎得起亦放得低 一切只求問心無愧
力排親朋眾議，在社會消費氣氛走下坡之際開設餐飲店，儘管對自己味蕾相當自信，至今累計獲9成9食客盛讚湯底出色，兼已希冀着開分店的話「第二間叫『又餃串Party』，第三間叫『再餃串Party』」，阿 Wing也未敢100%肯定毅然開舖圓夢的決定必然成功。
「身邊嘅人幾乎一致覺得『出邊執笠執到成行成市，而家整間舖出嚟基本上係九死一生』……事在人為，努力去做！work 固然好，但唔 work 都對得住自己，總好過咩都唔做，到以後自己後悔無做自己想做嘅事。」同樣地，阿 Wing 也無法100%斷定不會再三考慮移民，「有咩情況會再諗移民？嗯……講唔到喎……可能冇嘢再令人留戀嗰陣？」阿 Wing 唯一能確定的，就是不負此時的自己，留在此刻的香港，依循心中理念與熱誠，活在當下眼前的每一日。
餃串party
地址：長沙灣青山道368號喜韻商場地下2號舖
營業時間：星期一至日 11:00-23:00
電話號碼：56318343