【獨媒報導】4月22日起正式推行第一階段管制即棄膠餐具措施，除「紙羮」等替代餐具質素引起爭議外，一張DON DON DONKI「盲盒壽司」的照片亦在網上引起熱話。「大嘥鬼」昨晚「解畫」，稱堂食打包即屬外賣，食肆可提供膠杯及膠盒，惟事件已一發不可收拾。有店家推真盲盒壽司「抽水」，老闆坦言「無錢賺」，只為大家開心。
推出就真盲盒壽司的是「千之味刺身壽司專門店」，一盒10件壽司承惠$98。老闆阿樂指會有海膽、吞拿魚等貴價貨，亦戲言或會出現10件白飯，「唔開嗰一刻你都唔知自己今晚食乜」。他表示帖文刊出後，有約10位客人購買，亦有人預訂，惟明言只為「抽水」，並無錢賺，「反正周圍都靜，有樣野大家接受到、又開心，就當宣傳」，將推出一段時間。
「千之味刺身壽司專門店」Facebook圖片
「千之味刺身壽司專門店」Facebook圖片
第一階段管制即棄膠餐具日前實施，禁止銷售和免費供應受管制即棄塑膠產品，包括禁止在堂食及向外賣顧客提供膠叉、膠刀、膠匙、膠飲管等餐具。阿樂由於壽司多以筷子進食，首階段亦未涵蓋外賣膠盒，影響不大，主要是外賣不再提供豉油膠盒，並改配木匙等餐具。他明言更「害怕」垃圾徵費，料每月額外開支達3,000元，「根本就係搶錢，佢地啲大財團梗係無所謂，對我地鋪仔黎講係好大負擔」，形容政策不知民間疾苦。
「千之味刺身壽司專門店」Facebook圖片