（獨媒報導）近年本地生產的自家手作開始興起，亦有不少主題本土墟市。寄賣本地品牌及手作的HongKong_IN，位於深水埗的實體店今日正式開幕。店長光仔表示，寄賣店的初心是幫助昐望自力更生的手足，學習賺取生活費。他望香港人能堅持下去：「我哋仍然用自己嘅方法堅持緊，你哋都可以用自己嘅方法一齊堅持」，儘管前路未明，但店長希望寄賣店可一直經營：「盡做，Until lost everything 。」
HongKong_IN門市位於深水埗西九龍蘋果中心蘋果商場，門口掛著「歡迎光臨 香港人」的木牌，牌後是六個黃色小兩傘裝飾。店內寄賣不少帶有香港特色的產品，中間的長枱有絲帶手鏈及耳環、獅子山礦香石、「願榮光歸香港」御守，兩旁的長型貨架上亦擺放了明信片、扣針、手織杯墊等，它們均是由「同路人」製作的一些本地小牌子。據店長表示，現時合作的牌子已有90個。
開幕這天，細小的店鋪擠滿客人，親朋好友又在門外吃蛋糕、乳豬，祝賀新店開幕。店長光仔表示，寄賣店的初心是幫助昐望自力更生的手足，學習賺取生活費，支持一些受運動影響而失去工作能力的人。他們設定較低的抽成佣金，「儘量希望啲錢更易去返班手足、設計師手中」，「我哋用佢嘅貨幫佢換到錢返嚟，其餘嘅嘢就佢哋自己安排，我哋唔能夠完全幫你100%，幫你起咗個壇，然後你點樣安排你前面嘅路比較重要。」
他們多與本地小品牌合作，同時確保雙方有共同理念，皆為「同路人」。店內寄賣的產品亦是精挑細選，光仔指會根據產品的精緻度、原創性、設計等去決定是否與該牌子合作，「我哋好怕啲倒模嘅嘢，即係一式一樣，依啲我哋儘量避免。」光仔續指，長遠的目標是提供一個平台讓香港人能繼續發展，令大家可以救到自己，他們會將客人的意見反映給設計師：「教佢哋又唔係，但係我哋會比多啲Advice，等佢哋容易啲進步。」
店內寄賣不少含政治意味的產品，如印有「煲底見」的鎖匙扣、印有反修例運動場面的明信片，甚至店鋪標誌為「五一」手勢，被問到會否擔心需承受政治風險，光仔回應指：「冇得驚咁多，我哋第一日行出嚟已經預咗，遲早嘅事」，最壞的預算是成為政治犯，「我哋都係賣嘢啫」、「做嘅嘢合情合理」。
望寄賣店可一直經營：盡做，Until lost everything
店內掛有「唔係有希望先堅持，而係堅持先有希望」、「離開需要的是勇氣，留低需要的是意志」的字牌。
光仔希望透過HongKong_In告訴香港人「我哋仲係度」，指可能大家都心灰意冷、不知所措，但仍望香港人能堅持下去：「我哋仍然用自己嘅方法堅持緊，你哋都可以用自己嘅方法一齊堅持。」儘管前路未明，光仔都希望寄賣店可一直經營下去：「盡做，Until lost everything 。」
設計師以獅子山、天堂鳥花作設計 傳達祝福予香港人
平面設計師Bonnie在設計師公會認識店主，在HongKong_IN寄賣自己設計的筆記簿、畫簿、感謝卡等，Bonnie指受疫情影響，一整年沒有工作，希望透過設計賺取生活費，亦可「宣洩」情緒。Bonnie的設計大多使用獅子山，她自言十分喜歡獅子山，同時希望傳遞獅子山不屈不撓的精神。
Bonnie亦採用寓意自由、幸福快樂的天堂鳥花作為感謝卡的設計，望能帶正面信息、祝福予香港人。她表示HongKong_IN 「係攞個心出嚟對人」，而且「好多嘢可以攤出嚟講」，當她就設計詢問店長的意見時，店主會直接給予意見：「好就話好，唔好就話唔好」，令其設計有所進步。
顧客稱光顧黃店並不能解決問題 但望「用每分錢都用喺有意思嘅地方」
舊客Tracy已光顧HongKong_IN逾半年，今日買了一個刻有「Home Kong」的玻璃杯墊，認為「有一個以香港為家嘅意思，觸動到我 」。Tracy表示香港製作的產品十分珍貴，具獨特性及本土情懷，一些字牌如「見字飲水」只有香港人才明白。
她續指自己以前多光顧連鎖食肆，但多光顧小店後，反而品嚐到更多種類的食物，如今購買手飾亦會選擇「同路人」製作的產品，望能「每分錢都用喺有意思嘅地方」。她指光顧黃店並不能解決問題，但是是力所能及的事，「畢竟都要消費，要去用錢，睇下點可以用得好啲？」
支持本地小店：起碼精神上支持咗先
陳小姐因朋友介紹已光顧HongKong_IN 逾一年，今日知道新店開張特意前來支持，她買了數袋名為「乜L野卷」本地製造的紫菜卷，稱因為「食過好食」故特意來回購，「我哋係香港人吖嘛，咁咪支持返我哋本土嘢」，「起碼精神上支持咗先，令到佢哋有動力繼續做」。
