【獨媒報導】屹立灣仔「玩具街」近30年的「日昇玩具」，昨日（9月18日）正式結業，現埸客人絡繹不絕，店內掛滿燈籠，並貼上「有緣再見」及「光榮結業多謝支持」的海報。員工王太指心情如畢業，稱「好似我哋讀書畢業咁，有啲唔捨得但都要繼續（生活）啦」。有市民特意從新界前來「道別」。另有灣仔街坊雖指不捨，惟直言「當然有好多嘢走去一定唔捨得㗎啦，但世界好多嘢變緊。」
太原街剩5間玩具店 逾百名市民到日昇購物
灣仔太原街又名「玩具街」，不少商店售賣平價及古董玩具，惟現時只餘下5間玩具舖，包括鴻興玩具、禮品屋、星玩精品玩具專門店、縱橫行以及「日昇玩具」。
開業近30年的「日昇玩具」昨日最後一天營業，《獨媒》記者於下午到埸，日昇門外貼出大字「有緣再見」及「光榮結業多謝支持」，現場人流不斷，眾多市民與招牌拍照留念，並購買中秋節產品和玩具。店內商品剩餘不多，亦見店員與客人開心談天及合照留念，有客人關心店員結業後的去向。
老員工稱心情如畢業
在「日昇」工作逾15年的員工王太表示，未有統計多少貨品仍未售出，惟笑言相信能全部賣出，結業後先會「抖一抖」休息再找工作。她指過去較多客人買籃球架、飛行棋及波子棋等。對於即將結業，王太稱心情如讀書畢業，「就嚟畢業啦嘛，即係好似我哋讀書畢業咁，有啲唔捨得但都要繼續（生活）啦。」
有市民前來懷緬舊日時光
居於大角咀的17歲黃先生連續兩日到店購物，他買了玩具模型車，稱兒時常與母親「幫襯」日昇玩具店，那時到訪「玩具街」是為了「探索下有冇新嘅玩具可以買返屋企」，長大後則較多前來「敍舊」及懷緬舊日時光。現時太原街的玩具店寥寥可數，他對此感到可惜，指「玩具街」是很多人童年時重要的地方，「好多小朋友細個都會嚟呢度，但係可能而家玩嘅嘢唔多，呢啲玩具，譬如紙燈籠已經唔再流行。」
住在新界的楊先生特意帶同年幼子女前來，他表示不時都會到傳統玩具舖購物，對「日昇」結業感到可惜，「呢度始終由細嚟到大，知道今日（結業）都專登嚟。」楊先生的「收獲」由小朋友親自揀選，他們購買Marvel公仔及一排黃色玩具車，合共40元，「如果平時買就唔止呢啲價錢」。楊小朋友亦表示非常喜歡玩具舖，但相比玩具更喜歡iPad，稱「因為iPad識郁」可以下載遊戲。
自小在灣仔居住逾50年街坊譚小姐，今日花費118元覓得「多啦A夢」公仔心頭好。她特意前來「望一望」，並購買小時候已喜愛的多啦A夢公仔。譚小姐對於日昇結業感到不捨，惟認為老店被淘汰無可避免，「當然有好多嘢走去一定唔捨得㗎啦，但世界好多嘢變緊，即係好似網購咁多咗咁多」，亦明白不少零售行業式微，不限於玩具舖。
