（獨媒報導）「開心香港」首場美食市集今日在會展開幕，從深井遠道而來的謝生和謝太稱排了約15分鐘進場，嘆「排隊唔開心」，又指市集沒想像中那麼多攤檔，認為不夠特色，「我本來係諗住嚟洗錢嘅，不過睇到呢個場洗唔落」。兩人在「地道美食」區品嚐了菠蘿包及奶茶，謝生指感到失望：「同出邊街一樣，都係呢杯奶茶、呢個菠蘿包，點解要咁辛苦排晒隊行一大輪，入到嚟原來都係食早餐嘢。」
謝生、謝太買的菠蘿包和奶茶
陳茂波稱「最緊要一齊開心」 讚自沖奶茶「非常香滑」
美食市集一連兩日於灣仔會展舉行，分為「地道美食」、「華夏美食」及「環球美食」三區，市民需持早前派發的免費門票入場，約100檔的參展商包括銀龍飲食集團、蛋撻王、多個同鄕會社團等。
財政司司長陳茂波、民青局局長麥美娟等人今早出席開幕禮，陳茂波致辭時指除了追求經濟好，更要活得開心，「最緊要大家一齊開心」，稱美食市集在短短兩個月內成功籌辦，彰顯香港人團結精神。
陳茂波一行人其後參觀多個攤檔，品嚐綠豆糕、紅棗、綠茶、火腿及德國豬手等，更親身上陣焗製雞蛋仔及沖泡奶茶，張宇人試食雞蛋仔後讚道「200分」，陳茂波則自讚奶茶「非常香滑」。
有攤檔派鮑魚 有人開心有人趁熱鬧
市集在11時開場，有攤檔派發免費罐頭鮑魚，吸引數百人蜂擁而上，其中正在排隊、戴上口罩的歐陽女士高興道「疫情困咗咁耐，（有市集）我覺得好開心」，稱打算用消費券買2000元的花膠和鮑魚，但就不敢除口罩試食，「始終都係怕疫情」；另一市民劉女士領取鮑魚後被問是否開心時，她說「麻麻地啫鮑魚，唔係好好食咋嘛，野生先好食，無乜人我先至攞咋」，又稱今日是趁熱鬧心態，沒有打算消費。
薛太和馮太結伴而來，向記者高呼開心，馮太更豪言「食得落口都會買」。薛太提到，疫情期間的美食市集不准飲食，今次有試食便覺得開心，但指「唔好貴喎，貴我唔買㗎」。
馮太、薛太
除今次市集外，新界區美食市集將於5月6日至7日在沙田舉行，九龍區美食市集則於6月3日至4日在觀塘舉行。
