（獨媒報導）港隊乒乓女團擊敗德國隊勇奪銅牌，杜凱琹父母受邀在奧海城觀看賽事直播，女團奪得銅牌一刻，全場觀呼，兩人激動相擁，杜太更落淚。杜太說觀看比賽緊張得「個心跳咗出嚟」，杜生則指李皓晴及蘇慧音打出超水準表現，形容奪銅是團隊成果，而非個人，杜太盛讚三位女球手「個個都打出超過200分！」
杜生以全身藍色衣著撐女兒杜凱琹，他賽後形容心情「太開心、太光榮」，「香港乒乓球一直被人睇唔起」，感謝「乒乓孖寶」當年為香港爭取更多資源，成就今日的戰果。杜生想向女兒說一聲「You are the best」，杜太則指「I am proud of you」。
女團三位成員都是香港「土炮」球手，杜生表示證明香港運動員「超一流」，希望港人繼續關注這項運動，「我哋真係好需要呢啲土生土長嘅運動員，以前啲家長唔支持、睇唔到發展前路，希望日後見到乒乓球更加蓬勃」。杜太續指，杜凱琹一直承擔甚大壓力，「由小妹妹變成大姐姐」，又指女團三人互相扶持、互相鼓勵，感情很好。杜生則指「香港運動員真係好似李麗珊咁講，唔係垃圾，真係精英中嘅精英」
如何慶祝女兒榮譽歸來？杜太指已有9個月無見女兒，杜生亦指，「見到面就係一個最大嘅慰藉，其實媽媽炒個飯已經好好」。