（獨媒報導）香港書展今日開幕。今年繼續有獨立書店參展，負責人表示去年銷情不俗，希望今年出版的新書能讓讀者感到「睇書係有趣多過負擔」。但亦有文學書商明言壓力大，因今年在出版方面「有啲阻滯」：「我相信今年遇到同類問題嘅出版社唔止我一個，希望讀者體諒整個文化出版界嘅狀況。」
今次是23條立法後首個書展，主辦方貿發局早前稱已提醒參展商守法。有書商繼續出售「圖書館下架作者」的新舊書籍 ，負責人指去年參展亦未收到投訴，故抱平常心：「坊間賣緊嘅書，我哋就照賣囉。」
區家麟新作《最後的信仰——新聞倫理十二講》
區家麟著作《亂流》
售區家麟「新聞倫理」新書 稱抱平常心、貿發局未有「禁書清單」
小型出版社「藍藍的天」曾出版資深傳媒人區家麟和前議員邵家臻的書籍，而兩人都有書籍被公共圖書館下架。不過，兩人的書籍今年會繼續在書展出售，包括區家麟的新書《最後的信仰——新聞倫理十二講》。他亦透露，區料會不定時現身書攤，為讀者簽書。
邵家臻著作《坐監情緒學》及《宇裡囚間》
「藍藍的天」總編輯伍自禎指，去年在書展出售區、邵的著作時未收到投訴，故抱平常心：「坊間賣緊嘅書，我哋就照賣囉，呢個應該係最fair㗎啦，因為我冇一個特定嘅標準，唔識得judge。」
至於貿發局有否就23條立法，向書商提供更具體指引？伍指今年和以往一樣，都有收到當局提示不要違法，但就沒有「禁書清單」：「佢不斷有message send嚟，其中一個有講呢樣嘢」。
八成位置寄賣獨立出版書籍 設書店介紹展板
對於銷情和期望，伍自禎指過去幾年尚算平穩，雖然「冇乜點賺錢」，但想多些人看到一些較冷門、獨立出版書籍，不太擔心銷情：「做出版（的人）應該都有少少理想嘅，唔好理佢冷門定熱門，你覺得有啲冷門書好好嘅，都應該有渠道比佢發放。我哋既然有個平台喺度，都想容納佢哋。」
伍又指，今年攤檔內僅兩成書是自家出版，其餘八成是其他獨立書店或出版單位的書籍，以寄賣形式在書展出售。他解釋，近年香港出現很多各具特色的獨立書店，但較少媒體深入探討此現象，希望讓更多人認識它們的理念和特色。
伍自禎又推介了兩本今年自家出版的「冷門書」，分別是音樂劇劇本和室內建築設計書。他指印刷成本不菲，但「我哋覺得香港需要除咗主流嘅書，都有啲另類嘅書」。
文學書商：壓力大不樂觀、出版遇阻滯
香港文學生活館是第六次參展，但負責人T小姐明言今年壓力大和不樂觀。她指幾年前的閱讀風氣較好，社會對香港本土文化感興趣，「通過零售接觸到咁多鍾意香港文化嘅人，其實係好開心嘅事嚟」；但現時受媒體、整體經濟環境影響，「舊年有內地人嫌啲書貴」，獨立書店亦反映生意不好：「但都係要搏（指參加書展）囉，唔搏都好大穫。」
香港文學生活館負責人T小姐
她提到，文學館因受藝發局資助，出版書籍前要經局方審視內容，並坦誠今年在出版方面「有啲阻滯」，有些新書遲了印刷，至書展開始當日早上仍未送到現場：「我相信今年遇到同類問題嘅出版社唔止我一個，希望讀者體諒整個文化出版界嘅狀況。」
獨立書店連續兩年參展 指去年銷情不俗
門市位於旺角的界限書店，今年是第二次參加書展，檔口面積比去年大一倍。出版經理Leanne指去年銷情不俗，接觸到頗多新讀者，加上今年共出版四本新書，「希望sell到多啲人嚟」。攤內主力出售文史哲類書籍，亦有涉社運內容的文學作品。Leanne指「覺得ok，可以擺」，又提到有與灣仔區內小店合作，推出「聯乘」優惠，若光顧指定食肆再於界限書店買書，可獲取折扣。
界限書店出版經理Leanne
界限書店今年為詩人淮遠出版新詩集《再見橡皮鴨》。
界限書店今年出版四本新書，包括詩集、散文、文學評論和歷史神話。Leanne指每本書都看似沒共同點，但其實都是想透過易入口的文字和可愛的插圖，讓讀者感到「睇書係有趣多過負擔」：「大家都覺得睇書好，但有時會對如何選書閱讀感到迷惘，獨立書店希望以自己的品味和視野，幫大家揀書。」
