（獨媒報導）早前掀起紀錄片倫理爭議的《給十九歲的我》，在爭議聲下奪得香港電影金像獎「最佳電影」。聯合導演郭偉倫致辭時呼籲業界「唔好驚」拍紀錄片：「拍咗先算，剪咗先算，上咗先算。」他在頒獎禮後接受傳媒訪問時，提到作品獲獎是「實至名歸」，指事件讓眾人知道「點樣保護創作人嘅拍攝同電影作品」，指汲取教訓能避免重蹈覆轍，「所以我可以繼續應該企出嚟，光明正大咁拍我哋要拍嘅嘢。」
郭：汲取教訓後能避免重蹈覆轍 可以繼續企出嚟拍嘢
紀錄片《給十九歲的我》記錄了英華女學校學生的十年成長，但公映後有片中主角稱並未同意公映，引起軒然大波，電影最終在2月6日暫停公映。《給》在今屆金像獎中獲得三項提名，英華女校曾申請退選「最佳電影」提名，但金像獎表示無權褫奪任何提名資格，電影最終奪得「最佳電影」一獎。校方隨即發聲明，指就金像獎評委的肯定表示感謝，對未派代表出席致歉。
張婉婷沒有出席昨晚舉行的頒獎禮，但聯合導演郭偉倫讀出她的致謝辭，稱因為一場風波令她「墮進漆黑森林，一切令自己領悟到人知無常」；她一路上給予支持和鼓勵的人，以及業界對該套電影的肯定，令她在黑暗中漸見曙光。監製黃慧因身體抱恙未能出席，委託他人讀出致謝辭，形容連月來經歷「無可理喻嘅折騰」。郭偉倫致辭時則呼籲其他紀錄片導演「唔好驚」拍紀錄片：「記住唔好熄機，繼續拍，唔好驚，拍咗先算，剪咗先算，上咗先算。」
郭偉倫在頒獎禮後接受傳媒訪問，有記者問到如將來再有紀錄片出現爭議時，是否鼓勵導演「拍咗先算」；郭表示是次事件讓眾人知道「點樣保護創作人嘅拍攝同電影作品」，指汲取教訓後能有經驗避免重蹈覆轍，「所以我可以繼續應該企出嚟，光明正大咁拍我哋要拍嘅嘢。」
郭偉倫（直播截圖）
郭指獲獎給予團隊鼓勵 「希望我哋慢慢走返出陰霾」
被問到有否勸張婉婷出席頒獎禮，郭偉倫表示曾勸說，「我係好想同佢一齊出席，不過件事打擊實在仲好大，佢都公開講佢唔會出席。」有傳媒問及張有何感想，郭偉倫指「我諗佢應該好開心」，雖然自己不能代表張，但稱「大家可以想像佢（張婉婷）委屈一定有」，其感言提及曾墮入黑暗森林，可想像她心情並不好受，但獲獎給予團隊鼓勵，「希望我哋慢慢走返出呢個爭議、呢個陰霾。」
金像獎圖片
郭指如親自感受《給》相信有「公允啲嘅判斷」
《給十九歲的我》月前獲得香港電影評論學會「最佳電影獎」，如今再獲金像獎最佳電影，會否覺得業界是幫電影平反？郭偉倫表示「可唔可以將作品還作品，爭議還爭議嚟分開？我唔知」，但相信業界基於藝術和內容認同這部作品，「我哋呢套戲真係實至名歸，好可惜呢套戲仲未有機會畀好多人睇到，親自感受套戲到底係乜一回事，當大家睇到套戲發生乜嘢事嘅時候，就會……我相信都可以有公平啲、公允啲嘅判斷。」
至於會否再安排電影再上映，郭偉倫稱「呢個係比較複雜嘅問題」，認為須待各方一起商討如何解決。