【獨媒報導】去年香港各區的橫街小巷、行人隧道牆壁及電箱，出現「自由」與「$」合體的塗鴉，其創作者陳勁輝（Mick）被控20項刑事毀壞罪，最終判12個月感化令及罰款約2.65萬元。一年過去，Mick在獵人書店首次「寄賣」其 「$自$由」個人作品，「我都係有嘢想噏吓，畫吓畫啫，有一個表達可以記錄返個時代，我呢個年紀面對嘅嘢。」
Mick「寄賣」逾30件 「$自$由」作品於獵人書店，日期由9月21日至10月6日，包括以路牌、掛鐘、滑板及畫板等作畫。除了「自由」與「$」合體的塗鴉外，還有還拖、扮嘢、吹雞、存活、跪低、我要失憶了、反抗等字眼，不少畫板作品背景模仿中電電箱或香港街頭牆壁，作品亦分為「滑板是自由的」、「畫面唔靚」、「電」、「敏」、「路」等主題，每個作品均皆有標價予市民購買。
「寄賣」活動昨日開幕，逾30名市場特意到場支持，包括其妻子。Mick感謝太太及朋友多年支持，「未捨得死住，即管買隨便買，3個月未交租。」他指自己結婚12年，由2000年起做「乞米嘢」，感激對方照顧多年，又直言不懂得表達情感，常常與太太吵架而迷失方向。Mick稱，未來會繼續努力創作，「至少唔好咁兜踎」，妻子聞言後一度感觸落淚。
Mick
他感激各路朋友支持，「大家唔需要擔心我，我都係做返我自己應該要做嘅嘢」，「路係好難行嘅，但係要大家一步一步咁行，我暫時都未諗住走，我會繼續喺呢個地方盡我所能。」
「寄賣」作品中，其中一件寫有黃家駒歌詞，主要向偶像致敬及紀念英雄，背景則寫有香港及九龍，並笑稱「唔夠位寫新界同離島」。另一件作品「我要失憶了」，他指花足花四小時繪畫，「老人癡呆係一種好幸福嘅病，若然有仔女照顧嘅話」，又言「最爽啦乜嘢都唔記得」。
他亦分享創作「加油」配「皺眉頭公仔」的作品時，指經常被人鼓勵加油，笑稱「我都唔知俾咩反應」，故畫上當刻的表情反應，「喺呢個年代你叫我點樣加油，我又唔可以話廢話，但我又多謝唔落，個表情幾尷尬。」
Mick向《獨媒》表示，最初創作「自由」與「$」合體的塗鴉，源自於生活體驗、社會變化及自身經濟問題，「麻甩佬嘅嘢，都係家庭、錢、事業、未來」。對於為何「寄賣」作品」，Mick指「作品喺條街上面好難保存㗎嘛」，「佢哋一定保存得好過我，我哋呢啲風餐露宿、三更窮五更富嘅人，其實都好少會富㗎啦，好多嘢（支持者）Keep到嘛。」
Mick作品大多寫有「自由」、「香港」、「反抗」等字詞，他稱「我都係有嘢想噏吓，畫吓畫啫，有一個表達可以記錄返個時代，我呢個年紀面對嘅嘢」，不認為觸及紅線。「我又唔係好理政治嘢，理佢都冇乜用啦」，他指創作「呢個係我唯一，係呢個時候嘅自我安慰嚟。」
他笑稱「我緊係咩都想賣晒，連底褲都賣」，部分收益將捐助撒瑪利亞防止自殺會及香港善導會。
