咖啡店「Retold 再說」
（獨媒報導）政府昨日宣布下月9日起，市民到訪食肆、健身中心、戲院等地方均需強制使用「安心出行」。有食肆負責人批評政策擾民，憂慮客人流失令生意更難做；亦有一直維持A類運作模式的「黃店」稱不擔心影響生意，因為「都係做香港人生意」，相信「只會想幫襯你嘅，佢哋都會幫襯返你」。
有黃店不憂生意受影響 信市民「想幫襯就幫襯」、「揀做啱嘅事」
位於灣仔的咖啡店「Retold 再說」是A類食肆，現時堂食仍不需填紙仔或使用「安心出行」。老闆DC表示，原預計政府於明年初才會強制市民使用「安心出行」：「但冇諗過咁快。」他坦言，現在只能適從政府政策，惟不擔心生意會受到影響，因為「都係做返香港人生意」，相信「只會想幫襯你嘅，佢哋都會幫襯返你」，將來只做外賣對生意也沒有太多損失。
同位於灣仔的Burger Home ，則是B類食肆。老闆周先生指，當初選擇做B類食肆，讓堂食市民填紙仔或使用「安人出行」，是不想強迫他們只用其中一個途徑生活。如今食客再「冇得揀」，周先生認為對生意影響有限，「啲客知道要用『安心出行』，寧願買返屋企食 。」他反指政府近年所做的事，令很多港人移民，才是生意受影響的原因。
Burger Home
甜品舖憂生意更難做 暫沒打算要求員工打針
位於長沙灣的甜品舖「甜一刻」亦屬B類食肆。鄭老闆批評政府「五時花六時變」，昨日突然決定兩星期後全港食肆強制使用「安心出行」，即使無奈也只能遷就政策。
甜一刻
他大嘆生意難做，指「甜一刻」過去營業至凌晨兩點，但受政府防疫政策影響、轉為B類食肆後，只能營業至晚上10時，人流大減，生意亦減少一半。他又指，大多數堂食的客人都是填紙仔，憂慮強推「安心出行」後會令堂食客人流失，生意更難做，斥政府「偏偏做咗一啲無用嘅政策，係有啲擾民」。
惟他期望在可行情況下，「做可以做嘅嘢」，暫沒打算轉做可延長營業時間、但需要員工接種疫苗的C類或D類食肆。鄭老闆指會觀察情況，若將來生意入不敷支，可能轉做C類食肆或只做外賣。鄭強調，作出任何決定時，也會諮詢員工意見，以投票方式決定。
食客稱習慣填紙仔 日後或改買外賣
甜品舖食客蘇女士表示，因擔心個人資料外洩，一直以來光顧食肆也是填紙仔。她認為填紙仔已經有追蹤感染源頭的作用，批評政府強推「安心出行」只是用作「其他」用途，又斥為政府應給預市民選擇，「而唔係迫你去用（安心出行）」。
惟蘇女士指，平日需要帶小朋友上課外活動班，出外用餐比較方便，坦然將來若要用「安心出行」也沒辦法，或只會買外賣回家用膳，「真係無辦法，唯有係咁」。