【獨媒報導】港人北上消費成為熱潮，有不少本地食肆結束營業。香港餐飲聯業協會會長黃家和認為，餐飲業界必須先改善服務，他今日在電台節目分享其「慘痛經驗」，透露兩日前到中環一間餐廳與朋友食飯，遇到不禮貌的服務態度，更捉住經理教訓十分鐘。主持問：「對住你都唔禮貌？」黃家和笑稱：「可能佢唔認識我啦！令到好唔開心嘅，我直頭捉住經理就教訓咗佢十分鐘，我話你哋咁嘅態度，其實係趕緊客。我宜家擺緊錢喺你個袋度，教緊你！如果你要入呢個行業，你喺個服務態度，整體餐廳營運都要做得好，如果唔係你都係趕客！」
資料圖片
黃家和：復活節期間晚間生意下跌至少四成
在剛過去的復活節假期，首日有116萬人次出入境，當中逾70萬是出境的香港居民。黃家和今早接受新城節目訪問稱，市民在復活節期間北上消費，及到東南亞、日本旅行，直接影響本港、餐飲、零售與本地旅遊業，餐飲業在復活節期間生意下跌，日間跌幅為兩到三成，晚間生意更下跌至少四成。
本港早前舉行一連串藝術活動，包括巴塞爾藝術展、國際七人欖球賽等。被問到盛事能否帶往人流及刺激經濟，黃家和引述財政司司長陳茂波的網誌，指Art Basel及Art Central錄得8萬人參觀：「如果8萬人士，比起我哋76萬市民離開香港，第一日咋喎！第二日亦都有成40幾萬香港市民離開香港。整體嚟講有成135萬市民離開香港！」
資料圖片
七欖帶動球場附近餐廳受惠 惟蘭桂坊人流不及萬聖節
黃家和認為，即使舉辦盛事亦未能吸引大批旅客來港，尤其內地旅客，並指上周舉行的國際七人欖球賽三日賽事，雖然共有10萬觀眾入場，但入境的海外遊客數字只佔四成，其餘為香港市民、在港工作的海外人士：「其實得1.6萬嘅海外人士入場睇七欖。」
不過，黃家和表示，該些海外人士能令球場附近的餐廳受惠。他透露，在七欖舉行期間曾到蘭桂坊視察，指第二日的人流不俗，但就明顯不及過往的萬聖節，而在最後一日的賽事後，蘭桂坊就較為清靜：「當然音樂好勁，但人流係相對冷清。」
預期4月結業食肆數字上升 慨嘆營運成本高昂
被問到餐飲業在淡季如何部署，黃家和表示，餐飲業在3月生意欠理想，約300間食肆結業：「踏入4月呢，比較將會更淡靜𠻹，清明節又過咗啦，嚟緊唔會有特別嘅節日刺激。」他預期，在母親節及暑假後，才有更多遊客來港：「四月份對我哋嚟講，可以話係艱難嘅月份，預期亦都相繼將會有啲食肆係結業，結業嘅數字係比三月嘅數字更多。」
然而，黃家和認為政府推動的盛事、地區性活動能夠吸引人流：「但係我所睇到嘅，宜家香港夜市嘅時候⋯⋯到夜晚⋯⋯街道真係比較冷清。」
對於不少食肆反映，現時晚上未能做到兩輪生意。黃家和認為難以改善變，大量市民北上消費，平日前赴內地的港人約15至16萬，但內地來港的旅客只得8至10萬：「呢個係我哋頭赤嘅問題。」他慨嘆營運成本高昂，包括薪酬、食材，建議業界改善服務。