（獨媒報導）黃大仙昨晚發生停電事故，部分樓宇一度停電近4小時。然而，今次事故按照去年中期檢討的新懲罰機制計算，總停電時數約56萬分鐘，未達1,500萬分鐘的懲罰門檻。立法會環境事務委員會主席劉國勳認為，現時門檻「似乎比較高」、「有檢討空間」：「就算尋日你停咗四個鐘左右，因為影響嘅戶數得2,000幾、3,000戶，其實都唔少，計埋都唔夠100萬分鐘，同嗰個門檻遠遠一個距離。」
中電表示昨晚8時02分，黃大仙區內的一萬一千伏特電纜發生故障，區內約2,250戶電力供應受影響，包括美東邨美德樓、現崇山及黃大仙龍光樓，至凌晨12時11分恢復。劉國勳今早在商台節目表示，按照昨日的停電時間，需要7、8萬戶受影響，即至少一半黃大仙居民受影響，才能啟動機制。他認為，現時的懲罰機制有檢討空間，促當局檢討計算大型停電事故的門檻，由現時兩級改為四級制。
圖片來源：民政事務總署Facebook
促交代電纜故障原因 向受影響住戶發放心意券
對於今次事故，劉國勳強調，中電必須交代今次電纜故障的原因，並對居民作出補償。他重申，政府與電力公司協議包括供電可靠性、運作效率、客戶服務及恢復供電：「喂，好似獎罰唔係咁清晰，同埋經歷過上一次天水圍大停電事件之後，覺得有時唔係成年拉勻，有啲特大嘅事件都要去按每一次計。」
劉國勳認為，中電接二連三出現電力故障，令人感到遺憾，今次事故對居民影響大，：「整個時間都幾長，都三個幾鐘，你諗吓而家夏天又熱，又冇電又冇冷氣，對居民嚟講幾辛苦。」他表示，中電應參考前年屯元天大停電，向受影響住戶發放心意券作補償。
劉國勳（資料圖片）
關愛隊出動提供乾糧 區議員稱恢復電力已是最好交代
黃大仙區議員楊諾軒在同一節目表示，昨晚到達龍光樓後發現電梯已停頓，即時聯同其他區議員、關愛隊，安排義工後勤支援受影響居民，包括提供乾糧、樽裝水及椅子，並感謝民政處即時開放兩個社區中心，用作臨時庇護中心。
圖片來源：民政事務總署Facebook
中電昨晚對受影響客戶深表歉意，並感謝客戶社區領袖的諒解及協助。楊諾軒則稱，「知道中電已經盡力咗」，但指地下電纜已相對較為可靠，希望中電日後能減少類似事故。
被問到中電應如何安撫居民，楊諾軒就表示，「佢哋已經盡快叫咗同事過嚟」：「我相信盡快恢復電力已經係對市民最好嘅交代。」不過，主持不認同，質疑有餐廳反映「食物變壞」，楊諾軒便稱，自己主要跟進居民，未有與商戶溝通。