（獨媒報導）工聯會立法會議員麥美娟早前確診，她昨晚在Facebook 直播表示已康復，全靠「連花清瘟膠囊」自救，稱「等政府其實都嘥氣，你都知佢唔會有咩做到出嚟。」她透露在去年立法會選舉前，購入十盒連花清瘟膠囊，形容為「我呢世女做咗一樣最聰明嘅嘢」；在感染期間曾將連花清瘟膠囊、必理痛隔住食，稱康復後的記性較差及脫髮。
不滿衞生署打擊內地版「連花清瘟膠囊」
麥美娟稱，早在兩年前已聽聞連花清瘟膠囊的效用，「我有食開，清熱幾有用」，及後有朋友送上另一中成藥「鄧老清冠飲」，認為同能發揮效用。她斥衞生署無聊、「好做唔做」，竟打擊未有註冊的內地版「連花清瘟膠囊」，「港版無咪買內地版囉！咁得閒去捉藥，一係就嗱嗱聲幫佢搞註冊。」
政府早前宣布放寬引入外勞規定，以月薪連防疫津貼三萬元聘請只需懂廣東話的內地護理員。麥美娟強調，政府同有聘請香港人作護理員，斥有「黃朋友」對自己轉發假新聞和講風涼話。她表示，中央無償支援香港，港府卻避而不談，更反問「你諗都諗到啦，中央會唔會借呢個疫情嚟到去搵錢呀？好似嗰啲人咁講，九千幾個採樣員，燒晒納稅人啲錢，你香港搵九千幾人出嚟做囉笨！你無呀嘛！」
打三針科興仍染疫 批檢測嚴重滯後
50歲的麥美娟早前曾接種三劑科興疫苗，指其85歲父親在兩星期前到訪其家居，作快速測試後呈陽性，她在翌日提交深喉唾液樣本瓶，至2月21日感到喉嚨痛，在23日快速測試呈陽性，其同住的姪女同確診；但在25日收到的深喉唾液測試樣本瓶為陰性，家人更在3月1日才收到結果，斥政府的檢測嚴重滯後。
在直播中，麥美娟透露，其父親同已接種三劑疫苗，認為打針後即使確診，病情亦會較輕微。麥美娟在染疫後發冷，呼籲其他確診患者應做足保暖及有充足睡眠。
超市無鮮奶賣 斥邱騰華未能確保物資上架
市民連續多日到超級市場及街市掃貨，麥美娟不滿未能購買鮮奶，批評商務及經濟發展局局長邱騰華未有確保到物資到港後能上架，「淨係新聞稿話畀你聽有幾多噸菜嚟咗，物價幾錢，十蚊斤菜心，唔好玩啦，宜家唔係睇你新聞稿，宜家係睇街市超市嗰啲貨架！」
青衣社區隔離設施日前落成，麥美娟認為公立醫院同沒有獨立廁所，批評有「黃人」害怕被捉入「方艙醫院」，「咩事呀！你宜家去Staycation 呀？吓！真係好搞笑喎！你要獨立廚廁？整間屋畀你好唔好！」