【獨媒報導】68歲的前立法會議員馮檢基已報名參選立法會，他對《獨媒》稱，今次會繼續踢中場，認為立法會仍有作為，能跟進和改善民生，更不點名質疑已流亡海外的民主派，並不能「真係幫到香港人」。
在記者會上，馮檢基認為不應逢中必反：「我哋嘅出路係咪反政府反中共反到底？我哋嘅出路係咪放棄政制、放棄民生參與、放棄任何有發聲嘅機會？走去英國、走去澳洲、走去美國，喺澳洲、喺英國、喺美國發言？呢個係咪真係幫到香港人？」
被問會否提悼念六四議案
曾任民主派飯盒會召集人，馮檢基在2018年退出民協參選。被問到如晉身立法會，會否提出悼念六四議案。馮檢基表明「要悼念六四」，稱支持六四學運的精神，即打倒官倒和反貪污，強調至今仍反對內地貪污，「我會係支持平反六四」。
在2018年民主派九龍西初選中，馮檢基曾以足球作比喻，包括自比馬甸尼及簡尼。而在另一次立法會九龍西選舉中，馮檢基則表示，希望扮演中場的角色，「我鍾意輸送啲嘢俾人」。
馮檢基：我仍然係打中鋒
《獨媒》追問馮檢基今次踢咩位，馮檢基續以中場自居：「我都係覺得係中場，但依家唔夠人手成一個隊，以前民協係足球隊，有中場、前鋒、後衛、龍門。我依家交波畀邊個？我仍然係打『中鋒』，有嘢可以推送上去畀人入球，亦都守住個龍門，無畀人攻入。」
馮檢基是英超球隊利物浦的球迷，他表示近年已較少看該支球隊的賽事，但指1979年在英國讀書時，曾在利物浦主場晏菲路球場睇波，「近年少睇佢哋，最旺盛就係讀書個陣，睇過一次，但啲波飛好貴呀！」