收到記者打來問，這兒一次過覆。
1. 香港緊係有移民潮啦！問題從來不是有定冇，而係有幾大，走咗廿萬定三十幾萬？
2. 香港人口下降有好多因素？你咁講實冇錯，問題係邊個因素貢獻大啲：
a) 出生通常每年5-6萬，上年3萬5
b) 死亡通常每年5萬，上年6萬
c) 單程證通常每年4-5萬，上年唔夠2萬
d) 其他淨移出移入通常每年大約正負2萬之間，上年淨移出11萬
你問我香港人口減少受咩嘢影響，當然a+b+c+d都有影響。但係邊個最大影響呢？有得你計，係d 。
3. 香港每年都有人出出入入，好正常？一個又係有，十萬個又係有，唔該講清楚係幾多。上面提到，其他淨移出移入通常每年大約正負2萬之間，但係前年係淨移出9萬，上年淨移出11萬，你話正常定唔正常？
4. 所有數據分析第一件事係要問基數係啲乜，第一堂就教。唔好講有定冇，要講多定少，多係相對乜嘢多，少係相對乜嘢少。
5. 仲有好多proxy可以俾我地睇到走嘅人多咗。BNO Visa的申請人數，台灣居留證的發出數目，警署良民證的數字⋯⋯全部都升。唔通啲人貪得意申請完又唔去？
6. 所有數據分析都要講定義，香港呢兩年走咗幾多人，用窄嘅定義係廿萬，用闊嘅定義係三十幾萬。然而無論你用邊個定義，呢條數都係唔正常的了。
7. 呢個時候仲要討論有冇移民潮，我的評論是「不可思議」。
（本網歡迎各界投稿，文章內容為作者個人意見，並不代表本網立場。）