【獨媒報導】的士記分制上月生效，截至上周已有4名的士司機被扣10分。香港的士小巴商總會會長周國強表示，數字反映害群之馬「唔係想像中咁多」，亦「相信警察無拉錯人」。他表明，支持當局在車內加裝攝錄系統：「大家都有個呈堂證據，唔好單方面話你兜路、拒載或者不禮貌。你宜家入去食肆、銀行、大型商場，都有攝錄系統，其實大家都唔係想像中，前嗰幾年喺錄影系統下生活。」

《的士司機違例記分條例》 今年9月22日生效，現行法例中屬刑罰較高的11項與的士司機相關的罪行，其中兜路將會扣5分，濫收車資、拒載及更改的士咪標會被扣10分，兩年內扣滿10分將要自費參與的士服務改進課程，扣滿15分則要停牌3個月，再犯則會停牌6個月。

「相信警察無拉錯人」 指案例可提醒業界勿違法

周國強今早在港台節目《千禧年代》表示，「相信警察無拉錯人」：「講真佢覺得係如果俾人屈，或者隔硬俾人砌話佢兜路或者拒載扣10分，我相信佢會透過唔同渠道發聲。」他認為「如果警方告得你，都證據確鑿㗎啦」：「呢幾單案例，可以講返俾業界聽，最好就唔好咁做啦。其實咁樣做，令到市民或者遊客搭的士嘅期盼有落差，對我哋都唔係咁好。」

不過，周國強認為，數字反映全港1.8萬架的士中，揀客、嚴重超收車資與業界估計相若，「唔係想像中咁多」，但呼籲的士業界切勿做出要負上刑責的手法：「如果搵唔到食，可以透過唔同嘅渠道，我哋可以同政府商量，會唔會調整車資呀。」周國強表示，業界只有少數的害群之馬，如果警方加強執法力度，相關零星個案將會更少。

有司機東壩「劏客」 周國強促增加小巴班次

今年國慶黃金周期間，有的士司機在西貢萬宜水庫東壩向旅客濫收車資，每人「最低消費」100元，如不同意「加錢」便被拒載。周國強亦稱，曾聽聞下白泥、萬宜水庫都有類似情況，但指東壩較為特別，因平日較少人前往：「喺西貢市中心入去嘅路程都偏遠，變咗可能有一啲假期、特別嘅日子裡面會發現呢個情況。」周國強補充稱，「嚟嚟去去都係嗰十架八架車喺度咁樣做」，希望當局能夠增加相關的小巴班次。

對於在的士記分制生效後，仍有司機違規，周國強指涉及1.8萬名司機，表示「完全唔會發生，都未必控制到」，再三呼籲業界「唔好再咁樣做」，不但以身試法，亦會令行業蒙羞。

支持加裝攝錄系統 令司機獲相應保障

運輸署將就的士車內加裝攝錄系統，年底前諮詢立法會。被問到是否可行，周國強就表示業界數年前曾探討做法，引述運輸署當時稱會有侵犯私隱的問題，但表明支持做法，令司機獲得相應保障：「大家都有個呈堂證據，唔好單方面話你兜路、拒載或者不禮貌。你宜家入去食肆、銀行、大型商場，都有攝錄系統，其實大家都唔係想像中，前嗰幾年喺錄影系統下生活。」