【獨媒報導】民建聯監委會主席盧文端日前稱，垃圾徵費當年由激進反對派提出，是上屆政府在泛政治化環保的高壓下訂出的政策，促盡快擱置。前環境局副局長陸恭蕙今早在電台節目反駁稱絕無其事，指早在董建華出任行政長官年代已提出該概念。至於是否擱置，陸恭蕙就認為應把握「先行先試」計劃掌握細節，即使分階段進行亦不應放棄：「有啲人話太難啦，唉吔遲啲先，我都唔識點樣做，你遲啲都唔識㗎！」
陸恭蕙今早在商台節目表示：「呢個真係唔係，我相信好多人都知道。」她指早在董建華任行政長官，廖秀冬出任環境運輸及工務局局長期間，「呢啲咁樣概念實在都提過出嚟」：「宜家最後要實踐啦，我希望大家唔好話，呢啲咁樣嘅概念，有人攞出嚟想搞亂香港，實在係無啲咁樣嘅嘢。」
資料圖片
垃圾徵費全球已恆常化 指盧文端邏輯「實在都建立唔到」
現任科大環境研究所首席發展顧問的陸恭蕙，她在2012年獲時任行政長官梁振英邀請加入政府，出任環境局副局長。 陸恭蕙指回收、廢物徵費在內地、亞洲及歐洲的城市，都已經恆常化：「如果香港話呢啲係人哋提出嚟，想搞我哋嘅政治，我諗吓呢個邏輯實在都建立唔到。」
對於有聲音憂慮回收套配未齊備，垃圾徵費措施擾民，加上經濟不景，建議延遲推翻。陸恭蕙提到其任職副局長期間，政府在2013年推出首份廢物處理的藍圖，當局曾就首爾、台北的垃圾徵費個案作研究，其及後在離開政府後，上海亦提出垃圾分鐘：「所有呢啲咁樣例子，開頭嘅時候，你提出嚟叫人話去做，已經好多人反對。」
陸恭蕙續提到，措施在實施初期或會有很多拗撬，預料在實施半年後較清晰，「啲人就會話咁難做嘅嘢，我哋都做咗」：「一路落去都有好多小問題，因為咁煩嘅嘢，有啲地方可以更加做好啲。」她認為，只能在措施恆常化後，不斷作出補救。
黃錦星（資料圖片）
前屆官員「發聲」捍衛 黃錦星反問如何對得住年輕人
政府4月1日起在14個處所就垃圾徵費進行「先行先試」，惟爭議連日持續發酵。除了陸恭蕙，前環境局長黃錦星亦「發聲」捍衛垃圾徵費。黃錦星昨日稱社會應該迎難而上，認為各界已盡早準備資源配合措施，在見記者時更反問：「如果錯失今次良機，如何對得住年輕人？」
前環境局政治助理區詠芷今日亦在報章撰文，引用國家主席習近平提出的「綠水青山就是金山銀山」，認為本港應配合國策，不應放棄推行垃圾徵費。她又表示，擱置的言論會不必要地引起社會分化，影響國家的碳中和發展方向，忽略肩負亞洲國際都會的應有之義，背起特區政府四任特首的施政方針於不顧。
資料圖片
強調屬全民運動 陸恭蕙：不應以大部分人做不到作藉口
對於政府很大機會擱置垃圾徵費，陸恭蕙稱不掌握政治壓力來自何方，認為市民應平常心看待，並承認垃圾徵費是複雜的：「你全民運動嚟呀嘛，我哋個個都要做。你咁多人，700幾萬人都好似有啲責任嘅時候，一定係複雜㗎。」陸恭蕙表示，不應以大部分人做不到作藉口而擱置，認為分階段進行亦不應放棄，要從「先行先試」吸取經驗：「有啲嘢最難做，你就慢慢做，我唔係話乜嘢你都講到好完美，講到大家都明白，我哋先至開始，世界上唔係咁。」
被問到政府對實施垃圾徵費的決心不大，陸恭蕙就稱：「我哋等咗好多年，行到呢一步，我哋憑乜嘢話唔做啫？」她更反問：「世界上咁多城市做呢啲嘢，都有人做到出嚟，點解我香港做唔到出嚟，點解話我無決心啫？」她認為，回收減費亦是經濟出路，不再單純是「掉垃圾」的概念，喚立法會、區議會議員多落區對市民講解。