（獨媒報導）本港股票市場近日波動，財政司司長陳茂波認為，短期內有波動是在所難免，指股票市場受多個因素影響，包括外圍息口走勢，當局會密切留意情況，呼籲市民小心管理風險：「當然呢方面，根據市場共識，美國自從早前啟動第一次減息之後，我相信減息周期開始咗㗎啦。至於佢減息嘅幅度同埋速度，亦都受多項因素影響，包括佢自己本地嘅經濟、地緣政治，以致種種選舉。」
陳茂波下午代表特區政府，與國家商務部簽署《關於修訂《內地與香港關於建立更緊密經貿關系的安排》(CEPA)服務貿易協議的協議二》後見記者。被問到近期港股大幅波動，陳茂波稱自從9月尾，國家宣佈數項措施後：「大家見到個市場呢，都有比較大嘅增長，同過往升市一樣，喺個升市裡面，都會有一啲反覆，然之後回條之後，先至再往前發展嘅。」
陳茂波認為，必須研判經濟狀況、資金流向，但指國家部委位宣布一系列措施後，一方面穩定了外界對內地經濟發展的前景預期，亦就市場流動性方面釋出清晰訊號：「呢啲措施都要一啲時間，先至可以喺實體經濟裡面反映出嚟。」