（獨媒報導）香港仔珍寶海鮮舫將移離香港，新民黨立法會議員陳家珮建議，當局可從政策介入作保育，「政府可以幫手諗下點樣創新到，唔洗一定要將佢留喺個海上面。」她認為可參考中環「美麗樓」，（編按：美利樓），即搬到赤柱保育，「可唔可以考慮唔浮喺水上面？」
行政長官林鄭月娥在2020年《施政報告》中提出「躍動港島南」項目，業主同意將珍寶海鮮舫捐贈予海洋公園，政府曾表示同意推動協作，以非牟利方式作活化。但林鄭昨日表明，不會因為曾在《施政報告》提及，但實際無法執行或需動用大量公帑，強調政府不會勉強去做。
陳家珮：在市民心目中有一定歷史價值
陳家珮今早接受港台訪問，認為珍寶海鮮舫為香港重要的旅遊地標，曾期望海鮮舫可助海洋公園發展，並屬「躍動港島南」項目中的第二大保育。她形容今次消息來得很突然，承認珍寶海鮮舫難以和古蹟及其他一級歷史建築相比，但在市民心目中有一定歷史價值，「大家細細個入到去，見到有張皇宮嘅櫈喺度，嗰個集體回憶係好多。」
她指出，珍寶海鮮舫絕對有「本地文化價值」，希望政府能從其他方法介入，包括政策支援，如豁免牌照費用等，「喺香港四十幾年，耐又唔係好耐，佢的而且確有好多我哋嘅集體回憶，或者係一啲歷史價值喺入面嘅，有佢嘅特色喺度。」
冀新一屆政府參與作活化
曾任南區區議員的陳家珮，她又分析稱，現時正值新舊政府交接期，期望新一屆政府的文化、體育及旅遊局能活化珍寶海鮮舫，「宜家政府係當佢係一艘躉船，但佢唔係一艘躉船嚟㗎嘛，躉船上面有好多文化呀、旅遊呀其他意義喺度。」