![陳國基:年輕人為排公屋不升職不加薪 「心態一定唔啱」](/sites/all/themes/inmedia_2021/images/white.gif)
【獨媒報導】年輕人被官員和議員相繼指控「躺平」排隊等上公屋,前日特首李家超更指這些年青人「唔應該咁諗」,相信為了公屋浪費潛能日後會「後悔」。政務司司長陳國基接受《有線新聞》專訪時,雖然指為排公屋「職都唔升、人工都唔想加」的個案只屬少數,但批評「呢啲人心態一定係唔啱啦」。他又指,現時失業率僅3%,找工作很容易,強調「大環境已經好好」,年輕人應努力找工作來賺取「更好生活,更好收入」。
陳國基已經是第三名政府高層批評年輕人排公屋的現象,最早開腔的是房屋局長何永賢,她指年青人排公屋是「扭曲咗自己人生」。李家超在日前行會前見記者,亦高調提及看到有個案,年青人刻意令收入符合公屋入息,他直指「唔應該咁諗」。
屬少數 但「心態一定唔啱」
政務司司長陳國基在接受《有線新聞》專訪時表示,有留意近日有官員及議員提及年輕人「躺平」排公屋的情況,他表示有聽過有人為了符合公屋資格,「職都唔升喇,人工都唔想加喇」,不過他重申「呢啲係好少數,係好少數人」,但同時表示「呢啲人心態一定係唔啱啦」。
他同時指,現時社會失業率很低只得3%,等於同民就業,「搵工亦都好易」,「我相信一個年青人呢,佢應該努力工作,賺取更好嘅生活,更好嘅收入啦」。他又強調,政府已經幫忙令「大環境好好」。
在同一個訪問,他又提到「共創明Teen」計劃第二期的名額由2,800個增至4,000個,「年青人睇多啲野,識多啲嘢」,未來就不會「選擇錯誤」。他強調政府所指的「成功」,「唔係話大富大貴」,若他們能找到一份自己喜歡的工作,符合自己興趣才是重要,而他稱政府「教佢地行呢步」。
透露將訂「貧窮」新標準 符合多重指標方獲「扶」
另外陳國基在《無錢新聞》訪問透露,政府會制訂新「貧窮線」,政府目前「有啲頭緒」,日後不會單用收入做唯一標準,他稱「最簡單,以住嗰條貧窮線就係得一個指標,就係收入」,他笑言「咁但係如果我有十間屋呢?都唔計㗎喎」。他稱每逢計算,一定要有多個指標去看,才會準確反映實況。
至於日後「貧窮線」參照的標準,他透露或將包括收入、物業、有無人供養,他強調扶貧不是「單單畀錢就夠」。