【獨媒報導】區議會選舉將於3日後舉行，政府出盡招數鼓勵市民投票，包括「貼心」安排投票站設「打卡位」供市民拍照，以及向投票市民派心意卡。不過，有公務員團體擔心投票後獲派的心意卡，用來識別及監察未有投票的公務員。政務司司長陳國基在一個電台節目強調，派心意卡的目的是答謝投票市民，不是用來監察公務員，但他指投票是公務員責任，公務員「做緊政府工、出緊政府糧」，做任何事都要支持政府，不投票是荒謬、無可能。
強調心意卡無監察意思
陳國基在新城節目《財知大道》表示，心意卡沒有辯識功能，「你可以借我嗰張嚟用，我可以借你嗰張嚟用」，派心意卡只是希望多謝投票市民和紀念，從來沒有監察公務員的意思。他又指，政府沒有硬性規定已投票的市民一定要在「打卡位」拍照，「佢（市民）鐘意影又得，唔影又得」，「要嚟做一個證明，完全無呢個功能」。他重申投票是公務員的責任，政府不會亦不可能設機制監察，希望市民不要被網上的錯誤信息誤導。
至於公務員是否一定要投票，陳國基就指公務員做任何事都要支持政府，「因為你做緊政府工呀嘛，出緊政府糧呀嘛，咁呢一次係非常之重要嘅一個選舉，咁大家係咪都要去投票支持呢？」，「舉個例子，我哋自己做（政府工）但唔投票，你話係咪好荒謬呢，呢個係無可能」。
市民選出合適區議員 「自然唔會做出破壞國家安全嘅事」
陳國基在節目中重申，不會為投票率設指標，但希望市民踴躍投票，選出合適自己社區的區議員。他指，雖然所有候選人都是愛國愛黨，但關心的議題都不同，如選出來的人未能反映當區市民意願便「對唔到焦」：「老實講，就算投票率低啲，都會選到區議員出嚟，但選出嗰個係咪適合你嗰區，係咪咁有代表性呢，呢個都重要㗎嘛，代表唔到你嗰區個嗰意願，咁咪失咗焦囉」。
陳國基亦主動提到區議會選舉與國家安全有關，「點解呢？因為如果你貼實到市民嘅需要呢，你嗰個政策出嚟市民先會接受到，咁佢接受到自然唔會畀外界誘惑，誤導嘅機會就細啲，安居樂業，覺得喺香港住得舒服，自然唔會做出破壞國家安全嘅事出嚟囉」。