【獨媒報導】距離區議會選舉不足一星期，派出122人參選的民建聯今（12月4日）辦記者會匯報選情，指有部分選區選情緊張，惟未有透露實際地點或人數。身兼立法會議員的副主席陳勇稱「波係圓嘅，票係方嘅」，未到最後一刻也不知道選舉結果，籲「全家總動員、支持民建聯」，又提醒選民是「一人一票選一人」，「唔好整兩個，只可以一個剔」。
民建聯今日舉行記者會，該黨多名立法會議員出席。主席陳克勤指選舉氣氛是前所未有的熱烈，有賴政府大花資源推廣，候選人亦出盡「創意」拉票，如花車、洗樓、邀明星助選等。陳克勤又提到，今次選舉人手緊張，原因為不少在過往選舉支持民建聯的團體，本身亦有派人參加選舉，故比起過往有反對派參選時更分散。
他又「澄清」不少人「誤以為民建聯選情穩定」，但事實上個別直選區域選情較危急，特別點名12月初已告急的民建聯灣仔地區直選候選人穆家俊。他望支持者「堅定支持民建聯」，「全家出嚟支持民建聯」，惟被問及相關地區及數字時則以「選舉策略」為由拒答。至於個別地區會否告急，陳克勤稱由該地區總指揮決定。
陳克勤（中）
陳勇：波係圓嘅，選票係方嘅
陳勇表示「波係圓嘅，選票係方嘅」，未到最後一刻亦不知選舉結果，籲「全家總動員、支持民建聯，一票不能少」。他又提醒選民只能投選一人，「唔好整兩個，只可以一個剔」，並在投票日提早投票，「話俾全世界聽，我哋香港嘅優質民主，返返去由治及興嘅正軌。」
陳勇（中）
葛珮帆：市民對新選制迷糊、誤以為可投兩人
立法會議員葛珮帆指，落區時得知不少市民對新選制感到疑惑，「他們對於點樣選法，喺邊度選呢，其實都係好迷糊」，「好多人嚟問，其實我係屬於邊個區㗎」，「點解呢個又一號嗰個又一號，我應該選邊個呀？」她指市民未熟悉新的選舉制度，不少市民誤以為要投選兩人，「有兩席係咪呀依家，咁我哋係咪可以選兩個」，憂出現很多廢票，他們在地區全力宣傳「一人一票投一人」。
葛珮帆
陳克勤：安排接送長者投票安排合理
社署於投票當日，將向長者中心提供兩萬元安排交通接送長者投票，有記者問到部分中心有民建聯背景。陳克勤指一般擔任總理的政黨成員，不會干涉中心的日常運作，派錢「對任何一個政黨而言都唔會有偏私」，安排亦能便利行動不便的長者。被問及投票率，他則表示「我哋從來都唔去評估」，目前只希望將支持者的選票盡量「谷出嚟」，「打電話又好，洗樓又好，家訪又好，都係叫佢哋出嚟投票」。
亦有記者問到，部份報稱獨立的候選人，其提名名單與民建聯候選人完全重疊，是否代表該些人士為民建聯潛在成員。副主席陳恒鑌則指，提名人根據自我意願決定提名名單。
