【獨媒報導】政府早前公布，財政司司長已委任行會成員陳健波出任港交所董事會成員。陳健波日前拍片，承認本港經濟在疫情、通關後的反彈未如預期，但指只要做好三件事，便有機會翻身，而且「唔好旨意歐美突然間大發慈悲」。陳健波分析稱，本港銀行存款共有16萬億元，如果一旦減息，部份資金自然會流入股市：「根據紀錄呢，喺股市極為低嘅情況之下，一年內反彈20%不是夢！」
陳健波上周五在社交網站上載影片，認為新冠疫情及通關後，經濟反彈未如預期，英國及美國資金更將資金不斷抽獎走：「令到股市樓市都不振。」他分析稱，本港昔日靠遊客帶動經濟，「宜家就行唔通」，而港人北上消費，令本地消費下跌：「多重打擊之下，話香港唔掂嘅講法越嚟越多。」
做三件事有機翻身 陳健波：唔好旨意歐美突然間大發慈悲
不過，陳健波認為在西方打壓之下，香港面對轉型挑戰，重申本港具有獨特優勢，並逐一列舉稱包括廉潔、法治、方便營商制度、簡單低稅制、中西薈萃文化、生活方式、城市、優美郊野環境無縫緊接等，認為全部都沒有改變。
本身是保險界立法會議員的陳健波，他表示：「起碼做以下三件事，就有機會翻身！」陳健波認為，只要發揮獨有的香港精神：「即係識諗計、有韌力、有彈性，識轉彎嘅打唔死精神，唔好旨意歐美突然間大發慈悲，重回香港。亦都唔應該諗住『阿爺』（中央）出重手幫香港！真係要自強不息。」
陳健波倡發展非美元國際金融中心 「肯定可以發展成大生意」
在影片中，陳健波強調，本港要自己「諗計度橋」，建議發展非美元國際金融中心，例如黃金交易、非美元貨幣交易貿易中心及碳排放交易中心等：「雖然呢啲嘢都需要時間投資，但將來肯定可以發展成大生意，替代美元業務萎縮。」
此外，陳健波指要降低本港做生意成本，又分析指樓市、寫字樓及舖位價格下跌，令香港重拾競爭力：「股市跌成咁呢，好多實力股都有8、9厘股息，極有投資嘅價值。」他提到，現時本港銀行存款共有16萬億元，如果一旦減息，部份資金自然會流入股市：「根據紀錄呢，喺股市極為低嘅情況之下，一年內反彈20%不是夢！」他認為，近年做生意的合規成本、繁複的行政程序不斷增加，當局必須「扚起心肝」研究減低做生意的成本。
喚消費行業自我檢討 陳健波：越快醒覺就越快反彈
最後，陳健波認為，本港各行各業都要諗計留住客人，指港人到深圳消費主要因為鍾意「價錢平、服務好、選擇多」：「香港消費行業真係要自我檢討！提升服務水平，要賣咩貨、定咩價錢，先至可以吸引本地同外地嘅消費者喺香港使錢！」他指如果本港舖租下跌，成本或相對減輕，但亦要有好服務、好產品才，才能有競爭力。
陳健波總結稱，本港正面臨歷史大轉變：「『食粥食飯』就要睇香港人能否發揮香港精神，越快醒覺就越快反彈！」