（獨媒報導）特區政府過去三年共撥出130億元，用作維護國家安全開支，但一直未有交代款項細節。保安局局長鄧炳強在一個電視節目中，被主持追問130億元「用完未」，他就表示：「我諗嗰個奧妙之處在於，你唔知我幾時用完呀嘛，你又唔知我用咗幾多呀嘛，有需要嘅時間再攞，係為咗防止人哋去對於我哋國家安全嘅工作作揣測同攻擊。」
保安局局長鄧炳強接受開電視《家國天下》訪問，再次談及國安法。在節目中，鄧炳強先簡介國安委、國安公署及警方國安處的職責及分工，指國安委會定期就國家安全情況開會作討論。主持及後讀出網民欲查詢的問題，包括有何途徑監察國安法的執法機構及人員。
節目訪問截圖
鄧炳強：國安處權力運用受國安委監察 投訴警察機制亦適用
鄧炳強表示，《國安法》已清楚說明監察機制，即國安委接受中央人民政府的監察，警方國安處的權力運用則受國安委監察，投訴警察機制對其亦適用，而國安公署則必須遵守香港及全國性法律，並要接受國家機構的監察。至於是否曾收到投訴，鄧炳強就稱有，並且會按一般情況處理。
《港區國安法》在2020年6月30日頒布，當局同年12月撥出80億元，用作維護國家安全的專門款項開支，今年3月再撥款50億元非經常性撥款，即共130億元。
被問到在國安法實施後，維護國家安全開支的撥款金額的細節，鄧炳強再次重申，當局是按《國安法》行事，第19條已列明國安支出由財政司司長在一般收入中撥出，每年均要向立法會提交報告。
不過，鄧炳強亦指《國安法》第14條亦列明，打擊國家安全工作必須保密：「因為打擊國家安全呢，係事關重大，同埋機密性好高。呢個係喺所有嘅社會入面呢，都係對於國家安全入面嘅細節呢，都係唔會透露，包括嗰個支出都係不便透露，因為透露咗呢，你可根據支出就知道我哋嗰個打擊方法呀嘛，對於國家安全絕對係不利。」
節目訪問截圖
重申每年向立會提交報告 鄧炳強：睇新聞都知道到咁上下就拉吓人
當主持追問130億元「用完未」，及追加撥款的可能性。鄧家強就表示：「我諗嗰個奧妙之處在於，你唔知我幾時用完吖嘛，你又唔知我用咗幾多呀嘛，有需要嘅時間再攞，係為咗防止人哋去對於我哋國家安全嘅工作作揣測同攻擊。」主持其後換個方式，再問警方國安處使用公帑的具體數字。鄧炳強只重申，國安處同屬國安工作一部分，支出同為不予以公開。
主持指市民希望「知多啲」，問會否提高透明度。鄧炳強再三重申，當局每年均會向立法會提交報告，並會加強向公眾解說：「包括行動方面係點呀，其實大家都睇到，睇新聞都知道，到咁上下就拉吓人，同埋一啲宣傳工作，加強宣傳等市民知道工作一啲嘅成果。」