（獨媒報導）行政長官及行會日前接納建議最低工資「一年一檢」機制，並引入「可加不減」方程式，包括計算本地生產總值及消費物價通脹等數據，2026年5月1日生效。批發及零售界立法會議員、自由黨主席邵家輝今早在電台表示，理解勞工團體為工友爭取福利，惟他同時認為：「有成果大家一齊分享，唔好嘅情況下，點解唔係大家一齊分擔呢？我相信呢個係個邏輯問題。」他又指最低工資轉為「一年一檢」，未必能在當年完整檢討上年的整體經濟狀況，「對於經營者有無形壓力，因為有機會要加人工」。
憂致加薪「漣漪效應」 增經營者支出
目前領取最低工資的人口佔0.6%，調整方程式後，直接受惠的人數約1.7萬。邵家輝今早在港台《千禧年代》表示：「見到最底層嘅人加，其他嘅人唔加，相信同事有另外嘅睇法。」他指出這就是「漣漪效應」，基層工人加薪時，其上級、再上級都會加薪，整體令經營者薪金支出增加。
邵家輝同意通脹時凍薪會令基層人士生活艱難，同時亦表示：「如果整體香港經濟好咗，有福一齊享；如果經濟不似預期，咁大家又需唔需要擔當呢？如果唔一齊擔當，經營者自己負責，佢哋就會有另一種感受。」
邵家輝（資料圖片）
稱港競爭力高低與經營成本掛勾
對於最低工資由「兩年一檢」改為「一年一檢」，邵家輝質疑每年檢討時，未必清楚上年經濟情況。另一方面，「可加不減」方程式亦給經營者帶來無形壓力，擔憂每年都有機會要加薪。他認為，經營成本與香港競爭力掛勾：「香港現時同周邊城市同國家都各自努力做好啲，競爭力要睇下我哋成本幾多，如果成本高，咁競爭力就低，如果租金同人工一路高企，相信會令到經營情況艱難。」
最低工資委員會（資料圖片）
回應「結業潮」 籲零售業「重新打過算盤」
特首李家超早前回應社會關心的結業潮現象，認為如若沉醉在日常生活常見的變化，以誇大方式處理，對於香港整體和個人，「未必係一個最啱嘅方法。」
邵家輝就表示：「某啲區份吉舖仲係有，俾一啲朋友喺啱啱通關時候嘅期望有所分別嘅。」他續稱，觀察到通關後出現「港人北上」情況，零售業的恢復不及預期，呼籲業界「重新打過算盤」。