（獨媒報導）區議會選舉投票日最後倒數9天，政府官員繼續「無所不用其極」宣傳。財經事務及庫務局亦不甘後人，今日發布由局長許正宇、副局長陳浩濂及政治助理葉俊廉的微電影。劇情「致敬」經典港產片《無間道》，講述陳浩濂與葉俊廉在大廈天台「講數」討論心水候選人，最後由許正宇充當「和事佬」，強調無須與人交代心水選擇，呼籲市民12月10日一齊投票。
影片名為《天台的誤會》，全長約2分鐘。葉俊廉一開始獨自步入天台，身穿皮褸的陳浩濂用捲起的區選單張指住他背脊問：「我要嘅嘢呢？」葉俊廉則應道：「我要嘅嘢你都未必俾到我啦！」二人之後展開爭論，葉俊廉稱要需要多點時間考慮，陳浩濂即「梁潮偉」上身稱：「你仲要諗幾耐呀？你話三日，跟住三日又三日，你要推到我幾時？究竟係1號、2號定3號？」葉俊廉解釋，今屆區議會已重新塑造，與以往不同，需要更多時間作出選擇，陳浩濂就叫葉俊廉自行向許正宇交代。
許正宇之後緩緩出場充當「和事佬」稱：「好喇你哋！你兩兄弟嘈咩啫？兩個都唔同區，一個大埔，一個油尖旺！」他又向陳浩濂「訓示」：「你知對方揀咩號碼又點啫？」，強調不需向其他人交代自己的心水。陳浩濂反問許正宇一定要知道的「冧巴」是甚麼，許正宇才解釋是「1210」，呼籲二人當日去投票。葉俊廉亦透露當日需與許正宇到越南公幹，強調會在出發前投票，三人最後亦公開呼籲市民當日與家人朋友去投票。
另外，審計署昨日（30日）亦推出短片，片中一班職員埋頭苦幹計數，最終計出「1210」的結果，並稱「好，1210，俾個剔佢」。審計署署長林智遠亦登場擺出「剔號」手勢，講解當日投票時間及提醒市民須帶同身份證去投票。