【獨媒報導】《基本法》第23條立法諮詢昨日開始，對於諮詢期僅得一個月，前全國人大常委譚耀宗表示文件全面，而且正值農曆新年假期期間，各界有更多時間閱讀。譚耀宗稱昨日曾閱讀文件，用了三小時已可閱畢細節：「睇咗之後第一我覺得⋯⋯呀！呢個諮詢文件寫得好！佢好嘅地方係咩呢？令你好明白，喂！做乜嘢我哋宜家為23條立法、立法啲範圍係乜嘢。」
全體立法會議員昨日發聲明，希望能盡快通過第23條立法。譚耀宗今早在商台節目《在晴朗的一天出發》表示，議員的聲明欲表達該議題已討論很久，社會亦對立法有共識，但目前只屬諮詢文件，仍有待法案正式提交立法會，如法案委員會加開會議，便可以加快審議，有機會在暑假休會前通過。
讚賞諮詢文件 譚耀宗：一定可以保護到我哋
譚耀宗指出，文件提及普通法國家的立法經驗，及過往的不足：「我覺得好全面，亦都容易明白，容易了解，比較清楚。」他表示對諮詢文件表示讚賞：「佢拖咗咁耐都未拎到出嚟，我諗佢真係想做好啲。我覺得過咗之後，對香港社會穩定，對維護國家安全一定起到作用，一定可以保護到我哋，幫助到我哋。」
譚耀宗（資料圖片）
主持追問，今次諮詢期只得一個月是否較短，而且正值農曆新年假期。譚耀宗表示「唔緊要」：「咁咪仲好，放假呀嘛！」他認為花三小時閱讀，已可以讀完細節：「睇完之後我覺得真係明白好多。唔緊要嘅，你如果有心，對事情關心，大家就會按照政府提出嘅時間表。」
市民如何分辨國家秘密？ 譚耀宗：你唔係嗰個級別呀
立法諮詢文件提及五類罪行，在「竊取國家機密及間諜行為」篇章中就列明，建議「國家秘密」涵蓋七個範疇，包括國家或特區的「重大決策的秘密」法例擬明文定義的「國家秘密」。
被問到如何界定「秘密」及「機密」，譚耀宗指內地就國家機密設有不同級別，其在任職人大常委時，部分文件會列明是秘密：「但如果你攞啲文件，根本你都無資格攞，你唔知咩途徑搞到返嚟，而且你攞到之後仲去發表、洩漏，你想話無罪都好難！」主持追問普通市民如何分辨，譚耀宗就稱：「你唔係嗰個級別呀！如果你無資格攞，人哋俾你，你都要小心啦！」
談到境外干預罪，如呼籲沽售港元是否同屬犯罪，譚耀宗就指不可一概而論，法庭會視乎犯罪意圖及效果：「唔係話濫告，濫用呢啲相關法例嚟起訴人，唔會咁樣！」