【獨媒報導】政府提出以「簡樸房」取締劏房，房屋局上周向立法會提出四點規管制度修訂，當中建議推行認證制度，業主須向政府繳交認證費，以及聘請專業人士核證單位合規。建築、測量、都市規劃及園境界立法會議員謝偉銓認為專業人士「唔係個個都萬能㗎」，部份或不熟悉消防條款，令業主需再尋求其他人士認證整修，從而增加成本，建議制訂統一指引及提供相關課程供業內參考，「畀大家熟習呢樣嘢應該點做」。

房屋局提出的四項「簡樸房」規管制度修訂包括訂立12個月「登記期」及36個月「寬限期」，但增設「倒數期」，規定在寬限期屆滿前6個月，已登記但未獲認證的劏房單位不可訂立新租約。業主需在登記期內向政府繳交約數千元「認證費」，以收回行政成本，不過如提早登記則可獲寬減。另外，業主需要聘請測量師核證單位，測量師學會稱其「顧問費」約為一萬元，視乎單位設計和圖則，認可的專業人士包括指定的註冊建築師、工程師、測量師及消防和屋宇裝備範疇的工程師。

謝偉銓稱專業人士非萬能 或需再聘核證人士

建測規園界立法會議員謝偉銓今早在港台節目《千禧年代》，認為寬減「認證費」只屬鼓勵性質，如果營運者只是簡單改裝，所需花費不多，變相令「顧問費」的支出比例較高，「咁大家會睇住條數嚟計咋嘛，羊毛出自羊身上，我希望投入啲啲錢，將來呢可以有一個回本。」他又表示政府應要準備好足夠單位，安置受影響的市民。

對於專業人士類別新增了消防和屋宇裝備範疇的工程師，謝偉銓認為「大家選擇多」當然有好處，但強調專業人士「唔係個個都萬能㗎」。他解釋「簡樸房」條款涉及安全、消防、防水、設施多個範疇，營運商有可能需要聘請多於一名專業人士核證：「譬如我可能唔係好熟消防，咁你就可以搵另外啲人幫手，另外啲專業人士，咁呢可能個收費會貴咗啲。」他亦擔心有草率的測量師「純粹簽個名」，呼籲政府要加強抽查，建議測量師學會與政府商討後，制訂統一指引，以及提供相關課程供業內人士參考，「畀大家熟習呢樣嘢應該點做。」

謝偉銓提到相信業界有足夠人手在4年內處理11萬個單位，惟擔心劏房業主拖至最後一刻才登記，造成短暫人手不足。他認為「唔係下下都要專業人士」，技術人士可先進行部份改裝工作，從而減輕專業人士所用的時間。

倡差估署加強巡查

被問到是否要為「簡樸房」訂立「標準租金」或「參考租金」，謝偉銓未有明言，稱政府最初因缺乏數據而拒絕規管租金，「宜家嚟講經過三年，應該有啲數據」。他又指，劏房租戶議價能力低，被濫收水電費亦十分常見，「佢可能畀啲業主撳住嚟收錢，但係又唔夠膽出聲。」他認為差餉物業估價署需定期巡查，「千祈唔好將嗰個焦點走咗去個登記制度，而嗰方面差估署要做多啲巡查。」

天井窗問題 謝偉銓指難確保住戶開抽氣扇

房屋局亦放寛窗戶要求，即使分間單位的窗戶面向四邊圍封的天井，但天井最低層設有進出口，亦可視為達標。即使可安裝抽氣扇加強通風，謝偉銓擔心租戶會因電費考慮，而不開抽氣扇：「個住户自己決定㗎嘛，你無可能監視住佢日日都開緊㗎嘛。」他認為長遠會逐步收緊要求：「開始嘅就我覺得（放寬）係應該嘅，咁往後嚟講呢，我估計即係如果供應夠嘅，政府嘅公營房屋夠嘅時候，可能呢啲條款呢就會收緊㗎。」