【獨媒報導】確診個案暴增，公立醫院急症室不勝負荷，醫管局昨日更呼籲院舍以大局為重，接回經醫生評估後適合回到院舍的長者。安老事務委員會委員、院舍代表李輝今接受電台訪問時澄清，院舍並非不想接回長者，但防疫裝備不足，環境又未必適合隔離，難以妥善照料長者，「你叫一個士兵上前線打仗，你唔俾武器佢嘅，即係叫佢送死㗎啫！」她希望醫管局提供防護裝備﹐又呼籲社會各界在危難中應停止互相指責。
指院舍防疫裝備不足：打仗冇武器係送死
醫管局昨日於記者會上指，有院舍將長者送到急症室，在經醫生評估後認為適合回到院舍，但仍拒絕接走，令長者滯留醫院。醫管局總行政經理何婉霞認為，此舉嚴重加劇公立醫院風險及感染風險，促院舍要以大局為重，「要同我哋合作，唔好拒絕接收返呢啲長者」。
李輝在商台《在晴朗的一天出發》訪問表示，院舍營運者在醫管局指控後紛紛大吐苦水，指安老院舍營運不比公營醫院容易。她理解公營醫院系統接近「爆煲」，但社會不應指責或推卸責任至安老院舍。她無奈指，安老院舍欠缺防護裝備，例如保護衣、口罩、快速測試包等，根本不適合接受已確診的長者，「你叫一個士兵上前線打仗，你唔俾武器佢嘅，即係叫佢送死㗎啫！」
促醫管局提供裝備
她又提到，並非所有院舍都適合做隔離。她憶述曾在晚上接到醫院電話，指院舍有一名長者確診，「成院都好震驚，我哋200幾人宿位嘅院舍，一爆嘅話你話情何以堪？」她翌日為全院舍長者進行檢測，最後找出21位長者呈陽性反應。並即嘗試自救，「我哋將嗰廿幾個（陽性長者）group埋一個區，即刻用紅白藍膠袋圍封咗，加強抽氣加強消毒，都一樣」，「我哋覺得我哋喺度自救緊，但又冇武器。」
她強調，安老院舍並非不想接受長者，亦有院舍長者家人表示，希望由院舍照顧長者，「唔好送佢去醫院得唔得？」她慨嘆，眼見各大醫院急症室外長者要在寒風中等候，「我都唔忍心送佢去」。她表示，只要醫管局提供足夠防護裝備，安老院舍亦可負責接收長者。
指醫院曾要求接收Ct 值低長者
李輝又表示，有院舍反映，醫院要求他們接收Ct 值低（即病毒量高）的出院長者，「你呢個就係一個炸彈」，有機會引致院舍內爆發。她提到，屯門有院舍從亞博館接收三名長者，當中有兩人發燒，最後被送回公立醫院，更導致院舍中數十長者受感染。受感染的長者最終仍要被送往醫院，變相加重醫療負擔。她希望醫院能夠提供清晰出院指引，「Ct 值幾多先要返去院舍」，希望傳染風險低的長者回到院舍，「一定要保住其他餘下嘅員工，同埋住喺院舍嘅老人家」。
她指，社會應反思為何長者接種率一直偏低，「老人家打針（率）咁低，一定有今日咁嘅後果！」她續指目前「人心渙散，個個諗自己，唔係諗全局」，但抗疫狀況嚴峻，社會各界不應互相指責，應該思考如何互相支援。