（獨媒報導）立法會衞生事務委員會今早爆發罵戰，以田北辰被逐出議事廳告終，成為「完善」選舉制度後，首名被逐的議員。田北辰狠批委員會主席張宇人插咀，「燒晒」他的發言時間，行為「掗拃」。張宇人會後向《獨媒》強調，過去廿年議會經歷，從未遇人投訴他主持會議不公道，就連民主黨前主席劉慧卿都讚他「冇嘢做錯」，認為今次事件「公道在人心」。
張宇人會後向《獨媒》解釋
田北辰指忍你好耐 張宇人笑言：都陰公嘅
張宇人回應驅逐田北辰事件，自言跟足《議事規則》辦事，重申「主席有責任話畀議員聽，你係同我講嘢，而唔係同官員直接溝通...官員答問題唔係淨係答畀問問題嗰個聽」，指這是基本議會文化。
田北辰解釋自己會上插話，是要「澄清事實」，張宇人認為田北辰可待局長回應後再作澄清，又提醒每位議員只有5分鐘「連問連答」發言時間，不應花太長時間重覆問題。
田北辰在會上與張宇人爆罵戰
張宇人又指，過去二十年議會經驗，從來無人投訴他主持會議欠公道或「唔識議事規則」。他憶述，過去劉慧卿擔任財委會副主席時，曾在咪兜上公開讚揚他「跟足程序、冇嘢做錯」，認為今次事件「公道在人心」，又謂「大家可以睇返田北辰議員過去十年參與會議講過啲乜，係咪真係澄清問題。」
對於田北辰在會議上斥「忍咗佢好耐」，他笑言：「忍咗我好耐有咩問題？」、「佢識咗我60年，忍咗我60年都陰公嘅，唔知仲有幾耐要忍受。」
昔日已有牙齒印 田北辰曾轟張「不知所謂、莫名其妙」
翻查資料，其實未「完善」的立法會時代，張宇人和田北辰亦曾經開火。去年7月立法會審議引入非本地培訓醫生，張宇人提出修正案，但田北辰就反對其修正案。張宇人將田北辰與熱血公民鄭松泰一同批評，點名批評田北辰「執業試反映唔到專業醫生嘅專業能力」，更將新界西選民放上枱，指選民選出田北辰、鄭松泰和因初選案還柙的郭家麒，「係咪新界西好多醫生、好夠用。」
田北辰當時發火，澄清只是問海外剛剛畢業、未受專業培訓的醫生來港時是否需要考試，「絕對唔係啱啱張宇人指名道姓，話我要求一個喺外國已經操刀好多年嘅專科醫生嚟香港考試。」田北辰更批評張宇人「簡直不知所謂，莫名其妙，如果我哋啲議員嘅質素連咁都聽唔清楚，我都唔知將來香港點辦。」