（獨媒報導）「完善」後的立法會第二次舉行特首問答，多名選委界議員展露身手向林鄭月娥提問，當中不乏特色。民建聯陳仲尼問在中央大力支援下，「特區政府獲得咗、吸取咗咩寶貴嘅防疫抗疫經驗呢」。林鄭表示內地專家向她指出，長者死亡個案中，很多不是因為感染新冠病毒直接死亡，政府應「講清楚」，避免市民恐慌。
首次問答大會在今年1月舉行，提問的議員大部分不是「新丁」，即使選委界管浩鳴和陳凱欣被點中提問，兩人都有政壇經驗。今日舉行的問答會，就輪到多名「新丁」提問。
面對陳仲尼的「開放提問」，林鄭首先表示在疫情過後政府有很多工作要重新檢視，例如醫管局架構和安老院人手。林鄭接著說，從內地三批專家學到很多意見，「尤其有一方面意見，都係令我覺得，呀佢哋都觀察得到，就係我哋嘅資訊發放做得唔係幾好」。
林鄭舉例內地專家指出，香港死亡個案高，死亡長者年齡中位數達85歲，林鄭稱「好多長者離世其實可能...唔係可能，經分析後會知道，係同佢自己身體狀況同其他疾病有關，未必直接因為感染新冠病毒致死，咁所以呢啲一定要講得清楚畀市民知」。
有關年輕患者死亡個案，林鄭稱內地專家同樣提醒，要交代清楚病人臨床情況，「等市民唔好驚恐，尤其係omicron其實係輕微嘅，點解有啲後生會過身呢？」她指近十天已執行內地專家意見，在記者會交代所有非年長逝世個案，「等大家唔使驚恐，以為個病好致命」。
吳傑莊提問 林鄭失笑
另一名選委界議員、報稱是理工大學及清華大學博士的吳傑莊，就問林鄭公務員「參與抗疫工作」的定義，又問有多少名公務員於工餘時間參與義務抗疫工作、時數為多少。林鄭指「恐怕我哋現成無呢個數字」，又失笑說「亦或許唔需要特別去...去搜集呢個數字啦」，若有公務員下班後仍參與抗疫工作，會表示欣賞，但要他們交資料恐怕引起不必要誤會，「係咪連呢啲我哋都要管埋佢呢？」
林鄭：我哋有責任唔好輕易輸出感染個案
陳仲尼的黨友、來自新界西南的陳恒鑌則關心兩地物流運輸盡快開通。林鄭強調兩年疫情以來，陸路貨運無受影響，但近日深圳、廣東和不同省市出現地區性感染，令內地防範從香港輸入感染個案，要從陸路、水路甚至空運物資到港。林鄭表示「我哋有責任唔好輕易輸出感染個案」，故需向跨境業界提升防疫要求，「務求保障我哋無輸出個案」。