（獨媒報導）葵涌邨大爆疫，逸葵樓及映葵樓仍在圍封之中。本網記者今早9時到邨內葵涌街市視察，只有近半舖頭營業，平日的買餸人潮不再，慘成「死場」。經營雜貨生意的劉太表示，近日生意大跌七成，惟她一個月前已入手大批年貨，如海味、糖果、煎堆等，只能冒著疫情風險開檔。她預計損失數字可達5萬元，「呢啲都係年宵嘢，一年一次，真係扔晒落垃圾桶，冇人要㗎」，無奈指「唯有畀人……但無人落嚟」。
在邨內街市經營的劉太指，2名住在葵涌邨的員工已不敢上班，並請假至農曆新年後，她對此表示理解：「你而家兩座警察宿舍（葵馥苑）都全部唔洗返工啦，咁唔通佢（員工）賺你雞碎咁多錢都嚟做」。她指雖然她已打兩針，但指「你打針都無用，打針都擔心㗎啦」，惟有勤加清潔。
豬肉檔員工梁先生表示，近日生意額大減七、八成，「平時呢個鐘數好多人嚟，而家無人嚟」。雖然他擔心疫情，惟因老闆要求，無奈須如常工作，大呻「有得揀梗係唔返啦！」被問到疫情間開工有否加人工，他苦笑「乜都冇啊！」
魚檔員工郭先生亦抱怨生意額大跌，已減少入貨，「無咗幾棟樓，生意點會好」。住在黃大仙的他不大擔心疫情，家人亦沒有阻止自己開工，「無得避㗎呢啲嘢」。
