【獨媒報導】多份報章引述消息稱，當局擬推行全民檢測，在內地團隊協助下為全港750萬人，按身分證號碼排序作至少三次檢測，每次在一星期內完成一次採樣並隔離確診者。行政會議成員、新民黨主席葉劉淑儀呼籲當局積極考慮，「我哋已經去到非常危急，萬幾人去到入唔到醫院，日日都幾千人確診，呢個數目都低估咗蔓延情況，香港變咗第三世界」，指「一定要搵更強手段終止佢，如果唔係香港都淪亡。」
消息形容該全民檢測為最後手段，未定下執行日期，市民如果拒絕或屬違法；及引述稱當局目前未有計劃封城。
私人司機日前初步確診的葉劉淑儀，今早接受商台訪問，她表示曾作多次快速檢測為陰性，周二亦未有參與行政會議。
指追蹤個案浪費人手 需用更強手段
在訪問中，葉劉認為特區政府過去兩年均對全民檢測抱懷疑，可能和配套、市民接受程度有關，而折衷辦法即單幢大廈圍封強檢亦一度見成效，但Omicron傳播能力強，令原有防疫措施崩潰，「搵紀律部隊追蹤都浪費人手，睇電視見到咁多傷亡都辛酸，香港變咗第三世界，一定要搵更強手段終止佢，如果唔係香港都淪亡。」
她重申「斷尾」非常重要，疫情已令香港的經濟傷到入骨，「再係咁落去，外資對我哋係無信心，香港係喪失個國際地位，所以一定要壓止。」
葉劉淑儀又表示國家主席習近平的重要指示，可見國家最高層認為香港形勢非常嚴峻。至於有指可由副總理韓正、孫春蘭坐鎮香港，她認為不合理，「呢啲嘅分工係唔啱嘅，人哋管全國，你隨便叫人哋落嚟香港做嘢，我哋啲官個個收幾十萬一個月。佢哋係特區政府，首要責任。」