（獨媒報導）香港駐倫敦經貿辦職員捲入間諜案，事件轟動國際。曾任保安局局長的行政會議召集人葉劉淑儀承認，駐倫敦經貿辦的性質已有所改變，被指控的所謂蒐集情報，只是留意仇華議員及流亡港人的活動：「佢哋有咁多反華分子，亦都有啲香港流亡嘅人士喺度，不斷要求針對香港，佢哋都有責任去留意同報道。可能所謂搜集情報，只不過做呢啲工作啫。」
香港駐倫敦經貿辦行政經理袁松彪被指違反英國國安法，與另外兩名男子遭英國起訴。起訴書圖文並茂，指控3人涉嫌為香港情報組織工作，更監視在英國居住的香港民主派人士及示威者，包括被國安處通緝的羅冠聰、蒙兆達和劉祖廸。
葉劉淑儀接受Now新聞台節目《大鳴大放》訪問，被問到是否有需要在立法會審視經貿辦的開支及實際工作。葉劉淑儀稱根據《基本法》，經貿辦事進行對外經貿工作：「呢樣好清晰，立法會唔需要再討論。」
促英國交出堅實證據 信國家極力捍衛合理權益
不過，葉劉淑儀指英國的相關指控，就要視乎事實根據，更動用去年通過的國安法，稱相關法例的涵蓋面很廣：「英國引進咗等於外國勢力嘅罪行，佢就用呢條新嘅法例針對我哋嘅經貿辦事處嘅人員，咁我諗佢一定要交出好堅實嘅證據出嚟。咁我相信我哋政府，同埋國家一定係極力捍衛我哋合理嘅權益。」
對於駐倫敦經貿辦的未來角色及定位，葉劉指「已經收縮咗」，辦事處在搬遷後的面積已不及以往大：「佢哋以前租咗個官邸，宜家應該都冇。」她表示，經貿辦昔日經常安排部長訪港，並游說國會議員，但現時性質則有所改變：「英國已經極少部長級以上嘅官員嚟，國會議員亦都極少。反為有批仇華嘅議員呢，同埋香港一啲流亡分子喺嗰度搞事，時時都推出一啲議案針對香港，甚至要求制裁，經貿辦都要留意嘅，
昔日游說議員、安排訪港 惟兩地官方交流已減少
葉劉淑儀開宗明義表示，經貿辦必須留意該些仇華議員、香港流亡分子，「我諗佢一定要留意」：「可能所謂搜集情報，就係留意呢啲發展㗎嘛。」她表示，駐港領事亦會留意香港發展：「唔通我哋通過法例，佢哋唔做個報告咩？呢啲佢哋都要做㗎嘛。」
在訪問中，葉劉淑儀承認經貿辦的性質已有所改變：「以前就係游說吓啲議員啊，安排佢哋訪港啊，安排香港人去英國見嗰啲次官、外交大臣呀，甚至首相都有，曾蔭權都有去過。」不過，她指現時官方交流已經減少：「佢哋有咁多反華分子，亦都有啲香港流亡嘅人士喺度，不斷要求針對香港，佢哋都有責任去留意同報道。可能所謂蒐集情報，只不過做呢啲工作啫。」
指駐港領事館「個個都做緊情報搜集」 葉劉：點解會犯法呢？
葉劉淑儀相信，外國駐港領事館「個個都做緊情報搜集」，當中部份屬公開情報，包括電視節目、傳媒及網上消息：「如果我哋嘅人員喺經貿辦做同類搜集工作，點解會犯法呢？我真係唔明白啦。」
美國參議院外交關係委員會去年通過《香港經濟貿易辦事處認證法案》，建議終結香港駐美國經濟貿易辦事處的特權豁免待遇，兼關閉辦事處。葉劉淑儀在去年7月出席書展講座，稱「實際影響極少」，更指在遭美方結束後，特區政府可將辦事處及官邸放租，以節省人手及金錢。