（獨媒報導）行政會議召集人葉劉淑儀出席一個電台節目，批評英國議會制度封閉，民意授權較本港的立法會議員更低，「所謂嘅民主其實封閉，佢啲選區好細，佢有650個議席，每個選區都係7、8萬人，少過我哋嗰啲立法會選區，萬七、二萬票就贏到。根本係簡單過我哋。如果要數票，民意授權低過晒我哋啲立法會議員。」
葉劉出席商台節目《政好星期天》，指英國沒有普選，首相只由執政黨「16萬黨員清一色投佢之嘛」。她認為，「文翠珊直頭無競爭選出嚟啦，一百九廿幾票選出嚟嘅，呢兩個都係16萬，選民少過我，我都三十幾萬。佢都唔需要應付複雜嘅大選區，同埋佢哋嘅練歷都係黨內升上去，對於處理經濟其實無。」
葉劉稱所謂議會僅兩黨競爭 英國已淪美國附庸國
對於英國「衰落」，葉劉指該國的議會制在百多年後問題叢生，只有保守黨、工黨兩黨競爭，「其實係封閉嘅制度，喺自己嘅黨員裏面選一個做首相。其實競爭係唔夠囉。」她又認為英國與歐盟關係差，更已淪為美國的附庸國，「自己害自己。」
在節目中，葉劉連番嘲諷英國，包括只培養做騷的人才，如已辭任首相的約翰遜，又諷刺有機問鼎首相的卓偉思，同遭當地媒體指「扮戴卓爾」，及在經濟不景下仍然使用私人飛機飛往澳洲，是「扮晒嘢」。
葉劉又補充指，約翰遜和官員違反疫情期間封城規定開「派對」，並公然講大話和被罰款，反映該國已沒有政治人才。
強烈譴責英國放寬BNO簽證 斥違反中英聯合聲明
對於英國再放寬BNO簽證申請予1997年後出生港人，在回歸前曾任入境處處長的葉劉淑儀，她表示要強烈譴責英國，違反1984年與北京簽定的有關國籍互換備忘錄。
葉劉淑儀重申，英國當時已明言1997年後不會再給予港人BNO身份，「佢自己違約囉，佢成日話人違反中英聯合聲明，其實就佢做。」
不過葉劉承認，此舉會加劇香港的人才流失，建議特區政府要推出新招吸引人才，但她指英國經濟持續衰退，政客只會搞政治討好選民，「問題係好多囉。」