【獨媒報導】MIRROR 成員呂爵安日前在社交網站，講述其電召的士不愉快經歷，的士司機用了20分鐘才到達其召車地點。運輸署署長羅淑佩在電台表示，多謝呂爵安分享其電召的士的不快經歷，但指自己是另一MIRROR 成員陳卓賢的支持者：「嗱，我就唔係爵屎啦，我係『Hellosss 』嚟㗎。但我多謝Edan，非常多謝Edan。」羅淑佩又大讚陳卓賢曾在訪問中稱「唔揸快車」：「我覺得呢個實在太好啦呢個小朋友，除咗識作曲又打港隊排球，咁都應該支持吓啦係咪！」
指呂爵安分享不快經歷非常重要 司機可作警惕
羅淑佩今早接受商台節目訪問，稱呂爵安的分享非常重要：「等我哋服務態度好嘅個班司機，再做好啲，而唔好嗰啲要請佢哋警惕。」她表示，的士司機可自行選擇是否接單，「做的士司機，專業呢，嗰個時間、邊個時段，行邊條路，會唔會塞車，一般嚟講心中有數」。
在節目中，羅淑佩表示，的士司機即使不幸遇上交通意外、突發事件，亦應先致電告訴客人，更稱：「我阿爸以前揸車都教我，呢啲嘢你自己無得諗嘅，你無得預嘅，你只有怨嗰日可能有少少唔係幾好運氣，但係可能你用一個好嘅態度，下一支旗會好啲，永遠做的士就係咁。」
羅淑佩（資料圖片）
羅淑佩稱司機可「呻兩句」 惟「搵食唔係大晒」
對於今次事件引起迴響，羅淑佩承認沒有看過呂爵安的帖文，但就大讚對方稱：「Edan 其實好好呀，分分鐘可以叫過第架車，截過第架車，佢都照等。」她指司機可以對乘客「呻兩句」，更估呂爵安會與對方「嗲兩句」，但就不可以將怨氣轉化到乘客身上：「你有選擇㗎嘛，點解都係咁樣呢？」
羅淑佩更呼籲「各位的士大佬」，要想想為何有說如有其他選擇便不乘坐的士，或有乘客對司機的態度不友善，必須互相體諒，「真係搵食唔係大晒㗎，我有時覺得」。
羅淑佩（資料圖片）
一讚再讚陳卓賢 羅淑佩：守規矩、唔揸快車
主持陳志雲在節目尾聲問羅淑佩：「點解你咁鍾意Ian呀？」羅淑佩大笑稱：「呢個唔係⋯⋯903㗎⋯⋯呢度881嚟㗎喎！」羅淑佩隨即分享稱，陳卓賢曾在一個訪問中被問到會否「揸快車」，稱「媽咪叫我唔好揸快車」：「我覺得咁乖嘅呢個小朋友！」
羅淑佩續引述記者問陳卓賢，工作時會「揸快車」：「佢都話我唔會㗎，我守規矩，最多我預多啲時間早啲去。我覺得呢個實在太好啦呢個小朋友，除咗識作曲又打港隊排球，咁都應該支持吓啦係咪。」
另外，羅淑佩將升官轉任房屋局常任秘書長，她笑言，自己在離任前必須落實實施紅隧易通行，並預告在通車前見記者，交代臨時交通安排詳情。