（獨媒報導）運輸署署長羅淑佩將於下月15日起升任房屋局常任秘書長，接替即將退休的王天予。距升職尚餘約半個月，羅淑佩接受有線專訪時回顧三年工作，形容每天都戰戰兢兢，「我每天一起身第一件事就係睇有冇交通意外，鐵路或巴士有冇班次、服務上嘅問題。」她又望寄語後輩繼續努力：「我希望將來回顧返，做咗呢幾年運輸署，都可以講畀我嘅朋友甚至後輩，民生部門係辛苦，但係努力就可以做到好多有用嘅事。」
政府月初公布，羅淑佩將於8月15日起升任房屋局常秘，接替即將退休的王天予。現任發展局副秘書長李頌恩將於今年8月28日升任運輸署署長。羅淑佩早於1989年加入政府，曾出任旅遊事務副專員及政制及內地事務局副秘書長等，今次升任房屋局常秘為首長級甲一級政務官（D8），而運輸署署長一職則由現任發展局副秘書長李頌恩接替。
政府正計劃推行「的士車隊制度」，容許現有的士車主申請牌照組成車隊，提供網約服務，以改善業界服務質素及管理制度。在節目中，羅淑佩稱自己常搭的士，曾遇上不少不愉快經歷，其中一次從銅鑼灣坐的士返回灣仔住所，被司機司機誤認為遊客，原先只須經馬師道天橋進入會展便到達，司機卻途經整個金鐘才駛回灣仔，最終多收10元車資：「好明顯係兜路，我冇特登出聲，想觀察下師傅覺得乘客唔為意情況下有咩行為。」她認為的士車內環境「有啲真係麻麻哋」，司機態度亦有待改善，期望車隊制能提升質素：「的士都唔係一個平嘅交通工具，如果換來嘅係一肚氣，呢個就係市民覺得有問題嘅地方。」
羅淑佩（資料圖片）
紅隧「易通行」實施一周 稱每日車流增2,000架次
紅隧上周日（23日）起實施「易通行」，羅淑佩今早亦接受商台節目訪問，指紅隧過去一周車流量有所增加，由過往每日車流量10.5萬架次升至約10.7萬架次，但情況大體如常，可見「易通行」推行大致暢順並減少紅隧擠塞時間。日前稱車輛在紅隧可一直前行不算是塞車的她提到，雖然沒有正式統計，但同事實測及肉眼經驗發現，紅隧最繁忙時段平均車速由每小時10至15公里增加約30公里，「宜家切線少咗的確係爽咗，但你話令塞車情況大幅紓緩就唔會嘅，因為紅隧不但冇少到車，仲多咗兩千架車一日。」
羅淑佩表示實施「易通行」後在隧道口能體現車流的分別，提到以往有説新手司機勿行經紅隧，因以前「百花齊放」需8條線轉兩條線，但現時由4線轉兩線，「切線容易咗好多，亦都順利咗好多。」她又透露自己現在多了使用紅隧，「我自己都用多咗紅隧，琴晚同今朝用紅隧，平時會用開西隧。」
篩查380架常現問題的士 僅8架響應檢查 羅：唔開心又俾檸檬我哋食
「易通行」自5月啟用後不時有網民投訴，羅淑佩指整體投訴數字維持0.02%，即每一萬架車輛便有2架，紅隧實施「易通行」後亦無變差，但提到仍有部分的士司機反映過隧道出現問題，故署方篩查出380架經常出現問題的車輛並聯絡相關車主。然而截至7月12日，只得8架願意到運輸署的指定停車場進行檢查，「我都戥佢哋心急，如果真係張咭有問題我換畀你囉。你唔好喺度自己又唔開心，我哋見到有問題請你返嚟，又俾檸檬我哋食，咁唔係幾好。」
她提到有朋友反映，坐的士過海時發現的士未有安裝車輛貼及司機卡，司機表示怕被收錯錢而無長置車輛貼，「咁唔怪之時得時唔得啦。」羅淑佩稱甚至曾發現有的士司機連接別人的車輛貼，導致收錯錢，「有時都會有呢啲人為問題，我都鼓勵的士大佬與時並進。」
三隧「633」方案8.2實施 羅：不期望即時改善塞車
西隧及東隧分別將於8月6日及8月27日實施「易通行」，同時西隧將於8月2日復歸政府，同日起實施三隧分流「633」收費方案。按立法會早前通過的新方案，屆時私家車西隧收費由75元下調至60元，紅隧及東隧加價至30元，過海的士則劃一收25元，在非過海的士站登車的乘客，須支付50元來回程隧道費；東隧則會取消無載客的士收費，其他車輛的隧道費不變。
資料圖片
羅淑佩指「633」只是過渡方案，不期望能即時改善塞車問題，長遠仍需等年底的不同時段不同收費，具體落實日期將盡快公布，但私家車行經西隧及紅隧的價錢減少，相信有助分流兩隧車輛。的士情況而言，過往不少司機在繁忙時段都不願過海，因西隧收費貴，而紅隧及東隧則嚴重塞車，她相信三隧的士劃一收25元後，有關情況將可改善。
羅淑佩提到，政府在不同途徑改善交通擠塞問題，如計劃在交椅洲人工島興建第四條過海隧道，並已與港鐵商討更多泊車轉乘優惠；地政總署亦正物色主要交通站附近的地段作為停車場。
揭970宗懷疑濫用2元優惠個案 一宗交警方跟進
另外，政府上月杪起在全港打擊違規使用2元乘車優惠（「政府長者及合資格殘疾人士公共交通票價優惠計劃」），運輸署與營辦商組成3人小隊進行全天候查票行動。執法行動至今逾一個月，羅淑佩指截至周四（27日），查核約280條專營巴士、小巴、邨巴及渡輪路線，被查的1,900個班次中，發現970個懷疑個案，絕大部分人聲稱是「一時用錯」，當中一宗個案轉交警方跟進，「行動主要係希望阻嚇，我哋係真係高調執法，第二樣嘢係教育公眾。」