【獨媒報導】今日是情人節，一眾議員在社交網站發文祝賀情人節快樂。民建聯立法會議員陳仲尼則偕同妻子、前演員區海倫，今午在金鐘向途人派朱古力。他表示，除了希望巿民在情人節甜甜蜜蜜，亦期望財政司司長陳茂波在新一份財政預算案中派糖：「希望財爺都派糖俾大家！」
陳仲尼下午與妻子區海倫到金鐘海富中心的行人天橋向途人派朱古力，包裝附上一張印有陳仲尼雙手「俾心」及「陳仲尼議員❤️ 祝您情人節快樂」的白色紙張。他對記者表示，派朱古力是希望市民在情人節能夠甜甜蜜蜜，亦「希望財爺都派糖俾大家！」。
妻子為前演員兼歌手 結婚已逾25年
前演員兼歌手區海倫在初出道時，與李蕙敏合作组成組合Echo，她與陳仲尼在1997年結婚，在結婚後退出娛樂圈，二人結婚已逾25年。陳仲尼就透露，今晚將與太太區海倫到有「超級無敵大海景」的餐廳「撐枱腳」。
有記者問區海倫，今年揀選情人節禮物會否有困難，她只表示，已與陳仲尼結婚多年，每年均只會食飯慶祝，「唔似得你哋咁 sweet 」。
被問復出 區海倫稱無乜再諗
區海倫又分享情人節的難忘經歷，稱曾經試過在2月13日收到花束，我心諗咩日子呀，點解13號？我自己都諗唔到」，後來發現因為花店2月14日太繁忙，要求客人提早一日送花，「所以佢聽咗花店講，早咗一日」。她又呼籲各位男女朋友買花時要醒目，陳仲尼聞言後即時笑稱，「千祈唔好15號到呀嘛」。
至於會否復出，區海倫就表示，「無乜再諗，但如果有人approach 我，我都可以諗諗，但暫時都係做吓義工先」。陳仲尼則稱，自己要繼續每周7日，每日24小時在立法會工作。