【獨媒報導】髮型屋停業近一個月，今日終獲准重開，市民把握機會剪髮。有髮型屋卻表示難以適從。位於大圍的髮型屋 Hair Zoom 表示，有關決定過於倉猝，不論人手調動，客人安排或貨物運送等都較難配合，直言「心情好尷尬」。亦有髮型師表示，政府政策朝令夕改，擔心遲早再被停業，「開10幾日，轉頭又要停過」。
髮型屋疏散人流減風險 指需調整營業時間
Hair Zoom 今早人流不算多，髮型師 Gary 解釋，電話預約其實早已爆滿，但他們決定將客人安排得較為疏落，以減低傳播風險。他笑言，髮型屋突然重開，不少熟客紛紛致電他們詢問，「我係咪真係嚟得（剪頭髮）㗎？」他認為剪頭髮是生活必需，重開是正確決定。
但他直言，「開返與唔開返，其實個心情好尷尬」。當局週二突然宣布髮型屋可重開，他們短短兩日內要密鑼緊鼓地安排人手、貨源、店舖消毒等，頓時焦頭爛額。他表示，店舖有近三分之一員工原先選擇暫時轉工維持生計，亦有部分人因染疫缺勤，人手上有困難，而且店舖需要按人流調整營業時間，如堂食在晚上六時後暫停，髮型屋需要花時間迎合實際情況，「其實我哋都係一個試探性質」。
髮型師 Gary
Gary 亦擔心隨時再被停業，認為當局態度反覆無常，但已做好心理準備。他指，被停業的一個月間，店舖有提供上門剪髮服務，日後再被停業也會以同樣手法應對，但認為有潛在風險，「上唔同客人屋企，傳播風險相對地高」，故只會服務真正有需要的熟客。
髮型師憂隨時再被停業 不解當局放寬準則
同樣位於大圍的另一間髮型屋，對突然能夠重開亦感到無所適從。髮型師 Alex（化名）直言感到十分麻煩：「30幾個鐘頭前叫我開，我呢30幾個鐘頭淨係覆 WhatsApp 都覆到凌晨，都唔知點排啲客。」面對預約爆滿，今日只能謝絕所有沒有事先預約的客人。同店另一髮型師 Tony（化名）續斥，髮型屋根本無所適從，近一半員工以為要停業兩個月，紛紛另覓工作，無法突然回到崗位，貨源亦然：「啲貨又落唔切，毛巾又返唔切，根本其實嘥氣。」
髮型師 Tony
為何只有髮型屋能重開？Tony 笑言「啲高官要剪頭髮囉可能」，但直言已有心理準備會再被停業。Alex 表示，若是次開業後不再停業，固然能幫助業界，但指抗疫政策朝令夕改，因當局一時說要全民檢測，一時又放風禁足：「都唔知佢（政府）想點」。
Alex 又稱不解當局放寬限制的準則：「點解200幾單（確診個案）要停，4、5萬單你要我開工呢？」他批評是次決定置髮型師於危險之中，「全街都中緊」，即使實施疫苗通行證，亦難確保他們不受疫情威脅：「你（政府）攞我嚟玩咋嘛其實」、「周街都唔開，你（政府）要我髮型屋開？咩意思呀？我都唔明。」
髮型師 Alex