【獨媒報導】第五波疫情爆發，政府昨日宣佈大部份處所仍要停業至4月20日，當中以泰拳為主的運動社企「精英社Elite Thai Boxing & Fitness」（精英社）自1月7日起停業。今年21歲的林廷健（Kelvin）曾為邊緣青年，三年前成為全職泰拳教練後卻碰上疫情，他指雖然困難重重，但仍想堅持下去，透過泰拳幫助其他人，「始終香港需要幫嘅人好多，做到就繼續做。」
精英社於2015年成立，希望透過泰拳解決青年抑鬱、自殺問題和社會邊緣化的問題，並提供泰拳助教或教練的工作機會。除恆常課堂外，精英社亦設「自閉兒泰拳體驗課」、「全城擊垓抑鬱」、專為貧困青年提供的「U-Fit Program」等等課程。
Kelvin
Kelvin未踏上教練之路前也是「過來人」，他直言年少時「讀唔到書」，對前路迷惘，機緣巧合參加了精英社為期半年的「泰專生」計劃，接觸泰拳運動，並開始產生興趣。他之後找了當時仍為外展社工、現時已是精英社行政總裁的賀揚（Alan），在介紹下開始在拳館實習，再考取泰拳教練證書，2019年正式於精英社全職教拳。三年間由邊青到教練，Kelvin指教授時要接觸不同年齡階層的人，改善了他的表達能力與人際關係，當教會學員新動作時也為他們感到驕傲，「見到佢哋由手腳唔協調到有進步，我都好驕傲。」
惟正式加入拳社不久便爆發疫情，Kelvin最大的感受是心情沉重與苦悶。疫情前，Kelvin平均一日教三至四堂，但停業期間只能每週一、兩次回到拳館以直播形式教班。雖然人工不減，仍可維持生計，但他亦想過找與其他有關運動的兼職，無奈疫情下「家家有本難唸的經」最終作罷：「我想搵下part time做，但呢個行業，又唔知可以返啲咩？轉行做飲食業？佢哋又收得早，其他行業又要求有經驗，都幾難搵啊。」
精英社行政總裁Alan
廿萬收入跌到五六千蚊 拳社總裁：我哋最想係快啲開返
精英社行政總裁Alan指，第五波疫情重創生意，收入大減，又指每一波疫情都會流失客人。他提及，疫情前精英社恆常收入可達近20萬元，平日營運成本已佔八成。惟今波疫情下，收入及客量已大減，「宜家得返四個穩定客咋，本身營業額近20萬，宜家得返五六千蚊，跌咗九成九，完全做唔到收支平衡。」
Alan預計，如復業無望，拳館最多只可堅持半年或會「執笠」，又指現時拳館兩位全職教練薪金不變，惟九個助教要停薪，亦暫無裁員計劃。
對於政府在防疫抗疫基金中對健身中心提供五萬元的資助成效，Alan苦笑「好過無」：「唔講水電，上環區連租都唔夠交。」他指，作為運動社企，並非想要補助，而是最想儘快重開營業。Alan不滿健身中心「被停業」，「我哋呢度未試過有學生病，點解？其他地方爆得仲勁啦，體育業界今次都無，點解要即刻shutdown運動業？有陣時啲嘢無準則。」
推線上教學自救 加開手工班
精英社在停開後曾推出「教練外賣服務」自救，由教練與學員於室外打拳訓練，但隨住二人限聚令再實施，服務只可「一對一」，令他們再失預算。Kelvin指「一對一」每日的客人有限，加上價錢較貴令人卻步，沒有太多人願意報名，更低頭慨嘆指現時已沒有客人。
精英社再「變陣」推廣網上課堂，甚至加入興趣趣班、手工班、Board game。Alan表示，教學短片由自家以手機拍攝，「未有人資助都做住先，120蚊任上，交個心意，教練一個禮拜都可以返嚟教一兩堂。」
受訪者提供
Kelvin坦言仍未適應要在鏡頭前教班：「喺拳館可以打沙包練，屋企只可以做體能，做唔到其他嘢。」他又表示，部分學員因家中缺乏運動器材，運動成效亦不一：「未必個個屋企都有咁大空間，佢哋屋企無相應器材，如果要用啞鈴，唯有叫佢哋用替代品，譬如水樽。」
然而，Alan強調網上課堂亦有意義，可以令小朋友與家長在疫情中喘一口氣，「如果連online class都無，唔通24小時打機同睇youtube咩？」他指會儘可能嘗試不同方法支持多半年，「睇下可唔可以頂耐啲，都唔想咩都無得做。」他亦希望申請資助，開展線上教學有特殊教育需要的學童。
「我哋都希望自力更生」
疫情將近三年，復業更是遙遙無期，Kelvin表示已是意料之中， 但仍會堅持熱愛的泰拳事業，未有想過放棄，「可以繼續當然繼續，始終堅持咁長時間，香港嚟講，做到一樣你鍾意既事，唔係咁容易，如果你鍾意，就keep住做落去。」
身邊的Alan亦贊同稱：「外邊商企好多嘢可以止蝕，唔做蝕本生意；好多人覺得呢度有意義，enjoy氣氛就會嚟做。我哋希望社企賺錢、幫到人，都可以自力更生，賺錢同時fulfill到我哋想做嘅嘢。」