【獨媒報導】早前有跑手在荔枝窩智能公廁被反鎖，需以傳統方式拍門求救，事件昨日（18日）在立法會引起討論。實政圓桌立法會議員田北辰今日（19日）在電台節目上指智能廁格沒有必要，認為不需事事都智能化，又指「電子嘅嘢一定會出事，唔出得事嘅嘢，冇替代方案，你不如用返舊時傳統式」。他擔心政府各部門一窩蜂轉用智能化設備，造成「好心做壞事」。
田北辰今早接受港台《千禧年代》訪問指，政府十分有心推動「智慧公廁」，但擔心「搞搞下搞到過咗龍，變咗乜嘢都泛智能化」。他認為水龍頭及洗手液機即使故障，仍算問題不大，但就不滿廁格亦要智能化：「去到廁格，你搞智能嚟做咩呢？」他坦言，廁格同時安裝電子感應鎖及人手鎖是本末倒置，加上廁格內沒有提供聯絡方法：「電子嘅嘢一定會出事，唔出得事嘅嘢，冇替代方案，你不如用返舊時傳統式。」他又建議，如不希望手指接觸門鎖，可以仿效醫院採用手臂式的門鎖，「唔洗乜嘢都智能化嘅」。田北辰續稱，擔憂「因為老闆話要」而令各政府部門一窩蜂轉做智能化，造成「好心做壞事」。
田北辰（資料圖片）
倡食環專門處理公廁問題
被問到現時「智慧公廁」是否符合市民需要，田北辰稱如「智慧公廁」沒有故障就最好，「但如果啲嘢壞咗又冇其他方法就仲衰過冇智能」。他強調保養維修是最重要，更曾因公廁問題致電1823投訴，但因不能在公廁內拍照而無法向食環署舉證。他要求食環署設立獨立熱線協助全民監察公廁，並安排巡邏小隊每日視察，如發現持續有問題便扣分，到一定程度便中止承辦商合約。
對於現時「智慧公廁」具有訪客反饋系統、環境參數與氣味監測及人流出入監測等系統，田北辰打趣指學滑雪前都要先「識行識企」：「你咁多基本嘢都未搞掂，剩係一個廁格都搞多嘢出嚟，你嗰啲嘢有幾多識用、有幾人會用？」他直言如沒有人事後監測報告，再多的監測設備都只是形同虛設。
熊志權（資料圖片）
香港廁所協會前主席熊志權則認為「智慧公廁」有一定作用，但問題在於管理不善。至於如何避免市民再被反鎖在廁所內，或有傷健人士暈倒廁所內無人發現，他指廁所外應加設紅燈以示有人使用，如使用超過一定時間便會發聲，令外面的人知道或有意外發生。