【獨媒報導】前自由黨立法會議員田北俊昨晚接受商台節目《光明頂》訪問談論時政，他建議特區政府游說移英港人返港，指當中有不少專業人士，並認為如要由治及興，「人多就有得興」。他又表示，特區政府應向全世界表達反修例事件已告一段落的訊息，及向6,000名被捕、但未被起訴人士發還護照：「同全世界講，呢件事已經過咗去，我哋香港政府冇人再擔心喺度搞搞震，已經I am in control，唔使驚！」

稱人多就有得興 盼政府游說專業人士返港

前行政長官林鄭月娥任內修訂《逃犯條例》，引發百萬人上街反修例，中央提出「完善」選舉制度，並出手頒布《港區國安法》。田北俊認為，本港既然由治及興，「人多就有得興，多啲有錢嘅人更加容易啲興，冇人冇錢就無得興」，建議政府游說移英港人返港：「嗰班人而家都成4、5年，我覺得應該同佢哋講，你都住咗咁耐啦，亦都定咗落嚟啦，仔女讀書又盛。入面好多專業人士，醫生又有教書先生又有，不如返嚟香港啦。」

田北俊稱其孫兒亦在英國讀書：「晏晝4點就天黑，又成日落雨，有冇咁好住呀？不如返香港啦。我去探佢，同佢食隻叉燒包，隻菠蘿包咁大！不如返嚟香港好過啦！」他認為，特區政府應該向全世界稱修例事件已告一段落：「同全世界講，呢件事已經過咗去，我哋香港政府冇人再擔心喺度搞搞震，已經I am in control，唔使驚！」

讚鄧炳強講嘢好有氣勢 稱民主黨都執埋、本港已沒有人搞事

在反修例事件中，約6,000名被捕人士至今仍未被起訴。田北俊認為，當局應向他們發還護照，讓他們自由進出香港，外國人自然對香港信心大很多，亦可吸引外來人才投資：「唔係你自己齋噏，我而家搞掂單嘢。」

節目亦談到保安局局長鄧炳強，田北俊稱本身不認識對方，近年才在社交場合見面，但表示欣賞對方、「佢講嘢好有氣勢」：「如果鄧炳強局長出嚟講，10個我拉得9個，仲有1個冇所謂啦，總之唔好再出嚟搞，放你一馬啦！嗱，我吹水㗎咋！」他稱「連民主黨都執埋」，認為本港已沒有人搞事，希望政府向外界表達反修例事件已結束，可以重新上路。

促停止賣地兩年 美國高利率令地產商難捱

本港面對千億財赤，《財政預算案》早前提出來年度停售商業用地。曾為自由黨名譽主席的田北俊，他在2022年退黨，近年主力做生意。田北俊就呼籲，特區政府停止賣地兩年，包括商業、住宅用地。

他在節目中先「利申」，現時為地產商，手持本港不少寫字樓物業收租。談到本港地產市道不景， 田北俊指本港大地產商之所以出問題，源於美國的高利率，而港元與美金掛鉤，「6厘息，好多人頂唔住，特別係大地產商」，大地產商唯有將樓盤減價促銷，以用作減債。

田北俊稱中產身家大跌 如不止血將出大問題

新一份《財政預算案》提出暫停出售商業用地，惟未來每年仍有約1.9萬住宅新供應，4年內潛在供應更達10.7萬伙。田北俊認為，縱使地產商推出2萬個單位，但本港有350萬人居住在公屋，另有350萬人居住在私樓，當中105萬伙為私人住宅，惟隨着樓市下跌，後者的身家近年大跌四成，不少中產「冇錢又冇癮」，自然不會消費：「就算出嚟消費，佢哋覺得慳啲使，去深圳使又好，有錢啲去日本使，香港好難搞得旺。」

田北俊表示，如果中產不止血，本港將會「出大問題」，呼籲政府出手托市，即停止出售商業及住宅用地：「我都唔介意用托市嚟形容。」他又分析，除了地產商出事，二手樓業主亦會出事，當未能供樓亦會拋售單位，從而令身家縮水，進一步令本港整體財富萎縮。

陶傑喚林鄭、李家超入市 田北俊認同是好建議

他認為當局應主動停止賣地，「除咗維護地產商新世界唔好破產，亦都係維護100萬市民身家唔好縮水」，以向外界釋出政府不會讓本港地價再下跌的訊息。對於財政司司長陳茂波早前在立法會回答議員提問時，稱本港住宅價錢已經見底，田北俊認為政府應「買晒佢」增強市民入市信心：「如果真係見底，你政府賣晒佢囉。你不如擸晒新世界唔賣得嗰啲樓，你幾年後咪賺錢，補你嘅財赤囉。」

節目主持陶傑表示，特區政府司局長應帶頭入市，更點名遭制裁的林鄭月娥，及行政長官李家超既然坐擁大批現金，便應帶頭掃貨，「太古城、將軍澳都應該起碼都兩層」：「你哋司局級應帶頭掃貨，你哋橫掂唔走，香港是你家嘛，見底你哋就買啦，陳茂波你哋兩公婆！見底你唔買咪好老襯！唔買咪即係未底，未見底你仲喺度賣地！」田北俊亦認同是好建議，「可能佢哋買就係見底」。

東涌地皮流標後再批出 指成交價卻令市民腳軟

早前東涌新填海區第106B區住宅地皮，以每呎低見1,500元批出，最終由新地以約6億元中標。田北俊表示，其以前有錢、有信心亦會嘗試入標：「幾億我都投得起啦，我睬你都傻呀而家，費事投𠻹呀！」

田北俊評估，雖然該地皮在流標及減價後成功出售，但就予人感覺政府渴求賣地，成交價卻令市民「腳軟」，因為地價加上建築費為每呎只是8,000多元，東涌同區二手樓必然大跌：「東涌以前買落樓嗰啲中產咪好慘囉，邊度有消費嘅興趣同能力。」