【獨媒報導】民主思路昨日發布調查，指近半受訪者不滿立法會表現。民主思路召集人湯家驊指，不少議員發言內容均為追棒中央，較少有自己看法。湯家驊今日表示，希望議員多做實事，又指其昔日任職議員期間「好辛苦」、「好多法例審議工作」：「我亦都寄語現時議員做多啲呢方面工作，點解叫做立法會議員呢？立法會最基本職能就係立法。你立法工作做得唔足，你只係掛住喺出面做網上工作，呢個未必符合你嘅身份。」
該項調查指，受訪者對立法會表現普遍不滿，只有29.4%受訪者對立法會表示滿意，不滿比例就高達48.1%。湯家驊今早在商台節目表示，不滿比率較其想像中高，「我無諗到百分之48咁高」，但不排除調查期間正值議員到日本外訪，「嗰段時間確係有啲對立法會唔係咁正面嘅新聞」。
湯家驊再三強調，其只是根據市民、行內人士反映的意見，但從政府角度，整體對立法會的表現滿意，尤其在效率方面：「但大家亦都應該明白到，政府同市民嗰個角度有少少分別，係應該可以理解到。」他補充說，市民或只看到個別議員在電視前、報紙的表現，從而影響對立法會的觀感。
資料圖片
被問到議員從調查結果獲得的啟示，湯家驊認為議員應明白市民的觀感重要，如要爭取市民對其觀感正面一點，「做多啲實事啦」：「喺辯論嘅時候，市民最有機會睇到佢哋嘅表現。你多啲辯論，喺辯論嘅時候，講嘅嘢係啱聽啲，或者係可以有代表性，我相信市民嘅觀感係會改變。」
不過，湯家驊指立法會的表現在過去6個月已轉好，「最低限度多咗人發言」，主持不禁插咀表示「好基本㗎喎呢個」、「你自己做議員嘅時候都知」。湯家驊又稱，雖然曾任立法會議員達11年，但認為已不能同日而語，因為制度、政治形勢已有所改變。