（獨媒報導）去年11月13日，港鐵油麻地站發生出軌事故，港鐵於昨晚限期前就事故公布調查報告。港區全國人大代表、實政圓桌立法會議員田北辰指港鐵特意挑選深夜時段，甚至沒有召開記者招待會的做法趕急及令人生疑；亦擔憂登記零件的做法無用，「原來佢唔係乜嘢都查嘅，佢登記咗嘅嘢佢先至會查，咁呢嚿嘢冇登記呢，就冇查！」
政府要求港鐵須於昨日前提交油麻地站出軌事故的調查報告。報告指港鐵網絡中的57個金屬及類似護欄未有保養維修指引，而涉事的護欄螺栓和螺母因滲水而嚴重腐蝕，引致事故。報告又提到，車務控制中心與車長對「車尾」演繹不同，致有疏散乘客走到旁邊仍有列車行駛的隧道。
田北辰在立法會內務委員會會議前見記者，形容港鐵在深夜公布調查報告「有啲怪」、「我就唔係好明點解要咁急，連記招（記者招待會）都冇開」。
憂登記零件做法無用
他質疑，雖然專家稱今次事故涉及的護欄螺栓及螺母等零件理應經登記，惟登記及未登記的實際零件數目無從確定：「今次呢到出咗事就話要登記晒，你點知下一次，仲有乜嘢因為冇登記而出咗事呢？」田北辰續指港鐵應找專家交代清楚登記及調查零件的準則，更擔憂港鐵調查委員會未能徹查所有零件：「原來佢唔係乜嘢都查嘅，佢登記咗嘅嘢佢先至會查，咁呢嚿嘢冇登記呢，就冇查！」
田北辰稱最快6個月應完成金屬及護欄的維修提升
調查委員會稱在2025年完成土木結構保養維修制度的提升。田北辰質疑調查委員會無交代清楚提升保養維修制度的進度，且進度緩慢，「呢57樣嘢（金屬及類似護欄）既然咁緊要，係咪應該6個月、1年可以搞掂晒佢呢？」。他亦認為港鐵有必要利用科技去加強維修，而非單靠登記鐵路零件。
港鐵應未雨綢繆 斥緊急事故的疏散程序不夠精細
調查委員會建議列車使用緊急出口斜道時，向車務控制中心發出直接警報，田北辰稱此做法非常合理，惟同時批評港鐵在安排緊急事故的疏散程序不夠精細，港鐵亦理應預測到所有緊急情況，事先作出彩排。他指港鐵真正問題在緊急應變上：「係咪要退後啲，成盤咁去諗清楚，下次火災要點？下次大停電要點應對呢？」
