（獨媒報導）康文署轄下15個泳灘今日（5日）重開，今早天氣晴朗，上午九時許已有超過50名市民在淺水灣泳灘暢泳、曬太陽。不少「一家大細」在沙灘上堆沙享天倫樂；有人選擇在沙上曬太陽休憩；亦有人較「好動」，搭起帳幕興奮播歌，盡情大唱卡啦OK；不少女士亦換上比堅尼擺pose拍照打卡。
泳客：冇得游水腰酸背痛
梁先生和其爸爸染疫初癒，今日特意一同來沙灘舒展筋骨。梁先生向記者表示，關閉沙灘、泳池對自己有很大影響。他提到自己平日一星期至少有三日會去游泳，笑稱「嗰時（有得游）腰骨就冇咁痛，依家就腰酸背痛 」。泳灘關閉以後雖轉為跑步、健身，「但始終鍾意游水多啲！」，對於今日終於能夠暢泳，梁先生不斷邀請父親「同落水」游泳。
梁先生（右）和其爸爸（左）
說起泳池未能如期重開，梁先生指對政府部門溝通混亂「已經睇化哂」。他自己亦曾為救生員，今日有感人手不足，「今日見到一個救生員划艇出海當值，平時起碼會多兩三個人」。他憂慮本周末市民蜂擁至沙灘時「救生員會應付唔到」，強調「救生員唔可以唔夠人手」，寧願安全至上「唔開都唔好到時有意外發生」。
泳客要「試下個海灘」暢泳
鍾小姐及朋友「朝朝」今日一同到沙灘「試水温」暢泳。二人對於沙灘重開感興奮，不斷做熱身運動準備落水，指自己要「試下個海灘！睇下救生員有冇做嘢！」二人對泳池未能如期重開亦稍感失望，認為失去多一個選擇，指政府「上晝講開，下晝就話唔開」，不解政府「日日咁得閒」仍未能提早協調。
朝朝（左），鍾小姐(右)
曬太陽仍需戴口罩 泳客：咁咪曬到有個口罩印？
政府昨日宣布放寬口罩令，市民今日起做户外運動無需配戴口罩，惟在非運動期間，包括曬太陽時仍需遵守口罩令。記者今日發現不少市民均不清楚口罩令「界線」，大部分人在沙灘上休憩時均沒戴上口罩。
莊小姐平時隔日便會帶同兒子到泳灘游泳，沙灘關閉兩個多月間，她認為兒子的行為及情緒均有轉變，「太多能量唔知可以放去邊」，因此今日重開便特意帶兒子「放電」。莊小姐和兒子一直在海邊玩水，但就不清楚在岸上仍需戴上口罩。當知悉曬太陽時仍須佩戴口罩時，她大為驚訝稱：「咁咪曬到有個口罩印？」
莊小姐及其兒子
15個泳灘有救生員服務 其餘暫停
康文署公布其轄下15個泳灘今日起每日上午九時至下午六時會提供救生員服務，其餘泳灘的救生員服務會繼續暫停，呼籲市民切勿在沒有救生員的泳灘游泳，免生意外。
