【獨媒報導】在巴黎奧運女子重劍贏得金牌的江旻憓，她上周日加入馬會，隨即帶領「共創明『Teen』計劃」杭州學習團，今日下午見記者。記者質疑江旻憓曾指「香港做運動員好幸福」，但現時全職運動員每月標準資助額最低為7,130元。在回應的時候，江旻憓就反擊稱：「關於運動員幸福嗰件事，我有前面同埋後面，不過你哋淨係揀咗中間嗰句。」
江旻憓強調，當時說話的意思是，前輩在資源較少的情況下，仍然取得好成績，為後輩開拓更多資源，幸福是「覺得自己很幸福」，「因為我可以做自己鍾意做嘅嘢」：「可以成為一個運動員，係證明我搵到自己好想堅持、好熱愛嘅運動。呢件事本身已經，我覺得咁樣可以做呢樣嘢好幸福啦。」
在現時香港體育學院制度下，全職運動員每月標準資助額最低為7,130元，取得奧運參賽資格則可列為「精英丙」，每月標準資助11,520元，在奧運贏得獎牌的「精英甲+」運動員，即張家朗及何詩蓓，每月標準資助是44,500元。港協暨奧委會義務委書長楊祖賜日前接受訪問，就指本港全職運動員的教練、醫療及住宿獲「包晒」，「冇乜地方要使錢」，每月的7,000多元資助亦只是「零用錢」。
Now 新聞截圖
江旻憓：幸福因「搵到自己咁鍾意做嘅嘢」
不過，楊祖賜的言論就引起社會關注，有人更將訪問與江旻憓早前表示，「喺香港做運動員好幸福」一併討論。江旻憓今日下午在杭州見記者，《有線新聞》記者便問其「香港做運動員好幸福」的言論，指現時全職運動員每月標準資助額最低為7,130元：「你覺得呢啲運動員係咪真係好幸福呢？」
在回應的時候，江旻憓就稱：「關於運動員幸福嗰件事，我有前面同埋後面，不過你哋淨係揀咗中間嗰句。」江旻憓再三強調，前輩在資源較少的情況下，仍然取得好成績，為後輩開拓更多資源：「放棄咗好多嘢，犧牲咗好多嘢，去等我哋下一代，我哋呢一代嘅劍擊運動員有好多資源，咁我都好希望所有運動員都有呢個機會，去搵到自己咁鍾意做嘅嘢，好值得去堅持嘅事。」
香港賽馬會圖片
記者問會否多謝鄧炳強 江旻憓稱希望建設更美好社會
另外，有網民狙擊江旻憓的政治立場及家庭背景，保安局局長鄧炳強早前為江旻憓護航，譴責有人對她作人身攻擊，形容是「小人」、「腦殘」，重申江旻憓不但支持政府，亦譴責暴力，做法值得鼓勵。
記者問江旻憓如何回應該些負面意見，另會否多謝鄧炳強，及未來如何在馬會推動慈善工作。江旻憓沒有正面回應，只稱多謝記者前來杭州參加學習團，及支持馬會的工作：「我都係好希望建設更美好社會，呢個係我唯一嘅宗旨，做所有嘢嘅目標，我都好希望有做到貢獻，我希望我做得到。」
資料圖片
記者追問如何看待網上負面言論 江旻憓只微笑沒回應
馬會公司事務執行總監、江旻憓的上司譚志源亦有出席記者會，他補充稱馬會是一大機構，「Vivian加入我哋都係一個團隊」，明日返回香港，後日將到馬會總部上班：「有一啲會議等緊佢，我哋就會一齊籌備下一步嘅工作。」
譚志源又表示，江旻憓將會出席特區政府歡迎奧運代表團運動員的歡迎場合：「我哋都會係全力配合同埋支持，下個禮拜大家可能喺嗰個場合見到Vivian。但其他時間，佢就會係我哋馬會嘅同事身份，係嗰團隊商量佢喺幾個範疇點樣推展佢嘅工作。」
記者追問江旻憓，如何看待網上的負面言論。她就攤開雙手及微笑，未有再作回應，譚志源則稱「佢啱啱答咗」。
香港賽馬會圖片
見記者時一度感觸 江旻憓：因見到小朋友眼神善良
被問到如何透過在馬會工作以回饋社會， 江旻憓則稱，正在尋找自己的位置，以為馬會、運動員、小朋友及社會作出貢獻：「馬會喺好多方面都有好多projects，好多嘢都做緊，好努力咁樣，我都希望好投入到成為一份子。」
在見記者時，江旻憓一度十分感觸，她解釋稱小朋友的眼神善良：「佢哋有寫信俾我呀，跟住又有俾禮物我號。成個團都好豐富，行程好攰，但佢哋每一日都咁有活力，咁開心，咁珍惜呢個機會嘅時候，我好想佢哋開心。見到佢哋，我就好感觸。」