（獨媒報導） 特首林鄭月娥將於下月發表新一份施政報告，民主黨按慣例召開記者會，向特首提出多項施政意見，包括落實雙普選及加強人權教育。在民主派幾乎「清零」的政治險境下，主席羅健熙的用詞亦謹慎，更引國家主席習近平說話「綠水青山就是金山銀山」，促請政府須保護環境，煞停明日大嶼。有記者問，引用習言論是否代表日後緊跟國策，再難「暢所欲言」。羅健熙回應指如今發言必然謹慎，但話說的內容「要同香港人貼得近」。
10月6日林鄭將會宣讀2021年施政報告，民主黨主席羅健熙今在記者會表示「雖然而家政治環境都非常困難，但我哋相信有啲工作仍然係要做嘅」，故一如既往提出施政報告建議。他首先提出的建議為盡快落實基本法45條及68條，即達致雙普選，並指政府應加強人權教育；在土地政策方面，羅引用習近平所說的「綠山青水就是金山銀山」，促請政府停止明日大嶼，保護環境。他亦建議取消丁權及運用《收回土地條例》收回新界1,600公頃的棕地。
有記者指立法會已無民主派，問及認為政府會否回應民主黨的建議。羅表示不會揣測政府想法，但認為政府本來就須廣納民意，「不論嗰啲意見係喺立法會，定唔喺立法會」。
另有記者提到，羅健熙發言時引用習近平的言論，是否代表日後亦須緊貼國策而不能「暢所欲言」。羅回應指，「有一啲嘅想法、意見，同中央政府嘅國家政策吻合嘅，咁我哋咪照講囉，亦都我相信有啲係同國家政策未必完全吻合嘅，咁我哋都係會照講」，強調重點在於哪些建議對香港人有益。他又指如今發言必然謹慎，但仍將堅持帶出港人聲音，「我哋個tone未必講到好勁，但我哋嘅內容、講嘅說話，仍然係要同香港人貼得近」。
稱不論參選立會與否 未來繼續倡議
連日有聲音指，若民主黨不參選就應該解散，本網記者問及今是的施政報告建議，會否是「最後一份」，羅健熙回應道「希望無論如何，我哋都繼續去做。我哋今次嘅決定淨係講今次嘅選舉，咁究竟之後係點樣，我哋每一次都會繼續去睇」，並指民主黨會盡力爭取市民支持，反映民間聲音。
有記者問到會否嘗試約見林鄭表達訴求，羅表示並無此意，惟相信部分建議本身與政府看法相近，「我繼續提我哋嘅意見，佢要吸納嘅話，我哋無任歡迎，佢唔吸納、佢想聽我哋點解提一啲同佢哋唔同嘅意見，如果佢想聽嘅話，我哋都願意去講」。
對於民建聯提倡重組政府架構，包括增設副政務司司長、成立文化體育及旅遊局。羅回應指重組乃無可無不可，強調市民普遍對制度不信任，最核心的工作是回應市民不滿，「點解重組咗就會係好呢？如果重組完，政府都係唔聽人講嘢嘅」。